الازمات

ياقلب لاتحزن على فايت فات
واللي لفا بالهون ما أسهل ذهابه

الله خلق ذا الناس قدر ومقامات

احد(ن)شراة الذيب وأحد(ن)زلابه

لامن بدا في الوقت عسر وشدات

وأقبل عليك الوقت الوقت يحتد نابه

عنٌز على المطنوخ لاجا مهمات

يكفيك في اللازم ويسلم جنابه

زيزوم قوم له مع الجود وفقات

الله على الوقفات ماهي تشابه

كم واحد يقنب والا جات الازمات

لاشفت لك ذيب ولاشفت لابه

بسكات ياونات ذا الصدر بسكات

هذا زمان الهون والله درى به
صار الكذوب مصدق والوفا مات

والناس تفرح به وتسمع كذابه

الذيب ذيب لاعترض له مية شات

خلص عليهم وأفهموا ياذيابه

__________________
لا اله الا الله