تاريخ التسجيل: May 2006
الدولة: الحرجه _بلاد شريف قحطان
المشاركات: 298
عبدالله بن حمير يرد بقوة على خويه: أنا شريفي وأفتخر في ربعي*ويا ناشدن عني فأنا قحطاني
هذه القصيدة للشاعر المعروف / عبدالله بن حمير القادري ..والتي يرد فيها على أحد أصدقائه الذي
قال لإبن حمير ( أنا من شيوخ قبيلتي , وأنت يا بن حمير من رعايا قحطان ) وقد حصلت هذه المشادة
الكلامية في دولة قطر أثناء تواجد إبن حمير فيها وقد كان الشعر أبلغ رد للشاعر عبدالله بن حمير
وقد خصّنا أبو نواف بهذه القصيدة وهي حصرية لموقع مجالس شريف ولم يسبق أن قام بنشرها في
أي وسيلة إعلامية وهذا ما أكده إبن حمير لي شخصيا وقام بإرسالها على جوالي الخاص
فكل القوادر وكافة شريف وقحطان يعرفون مكانة آل حمير القوادر فهم أهل الكرم والشيمة والطيب
وقد كانوا ملفى لكل شريف حينما يسافرون ويترحلون إلى الرياض وهم روس من روس القوادر ولا شك
في ذلك , فإليكم هذه القصيدة الحصرية للشاعر الكبير / عبدالله بن حمير القادري :
أنا شريفي وأفتخر في ربعي
ويا ناشدن عني .. فأنا قحطاني
المجد مجدي والمراجل طبعي
وأعرف عدواني قبل صدقاني
وإن قلت في وسعي مهو في وسعي
ادمح من الزلات شي ن .. جاني
ما بين طرح الطارحين وجمعي
لي لابة ن عند اللقاء ظفراني
وإن كان ما تدري ..ولا تستوعي
ياتيك علم ( القادري ) .. من ثاني
قحطان في صلف المواقف درعي
وش عاد يومي في ذرى (بن ثاني)
إن كنت شيخ .. فشيختك تستدعي
منك إحترام المجلس الملياني
والمخطية .. لو لوثت لي سمعي
لي شيمة ن ..عن الغلط تنهاني
لانيب متلوّن .. ولاني دبعي
على المراجل شايبي رباني
لما طفح كيلي .. يبين وقعي
وعداي تعرف بندقي وحصاني
لاشك والخوة .. سبب في منعي
لو الخوي ..مكسرن بيباني
حشمة رجال ن .. كنهم من ربعي
اللي لهم .. تقديري وعرفاني
وخل (محلف) تحكُم بحكم ن شرعي
ويحاكم المجني عليه الجاني
وخل الذي يدعي علينا .. يدعي
اليا قطعنا دابر .. الشيطاني
خل الرعايا في المسايل .. ترعي
ولا يقول المخطيات لساني
حر (ن) ولد حر (ن) ..وكيد (ن) طلعي
ويوزن ثقيلات الحكى .. ميزاني
ان كنت ظميان (ن) .. ولا انت بشبعي
أنا تراني .. شابع وروياني
وترك مثل وتري .. وشفعك شفعي
مالك ومال .. مناطح الضلعاني
زرعت طيبي .. يا حسافة زرعي
والطيب ضيعني .. وضاع إحساني
من عهد جدي .. لين يكبر ورعي
يفنى الزمن .. والمجد ماهو فاني
لو المشكك .. بس يعرف وضعي
إن كان .. عن بعض الهياط أغناني
يا ماسك ن خط ن مهوب بفرعي
وأنا ما بين شريفي وسنحاني
خوالي آل دبيس يا مسترعي
من صُلب سنحان (ن).. زبون الجاني
أهل العزاوي في نهار الوقعي
كم هية (ن) تذكر على الحداني
ما دمت متخلف .. وفكرك رجعي
وأنا أحسب إنك .. عاقل وفهماني
خذها على كل البحور .. السبعي
حتى تعرف اني .. كسبت أرهاني
قولي لا منه جاك .. قول ن قطعي
ولا إنت لا حجة ولا برهاني
وقحطان يا نبع الفخر .. يا نبعي
وأنا أحمد الله .. يومني قحطاني
الشاعر / عبدالله بن حمير القادري الشريفي .
__________________
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الـمـوت والعز ضيـفـان قحـطـان=يـامـا تمـنـى الـعـز فـيـنـا قـرابــه
والنجم ياصاحبي حامي وسهران=يـفــدى ولـدنــا بــلامــع شـهـابــه
والقلـب لـو كـان لـلـدم عطـشـان=نروى برشـد القبيلـة فـي صوابـه [/poem]
القادري الشريفي
التعديل الأخير تم بواسطة القادري الشريفي ; 01-03-2011 الساعة 04:18 AM
01-03-2011, 02:46 AM
تعليمات المشاركة
المواضيع المتشابهه
العرض الشجري