[poem=font="Arial,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مالي على طرد المقفين حاجه=لاكثرت أظروفي لقينا الخراجي
يوم ٍ بعض الناس مثل الدجاجه=والديك عقبه كلبوهم دجاجي
ضيّقت عيشه مثل عنق الزجاجه=والفرق واضح بين قصر وزجاجي
في سبّكم قلبي يحصّل علاجه=وطردتك يابو ذيل اكبر اعلاجي
أشرب قراح ٍ عد ونته هماجه=ومن خلقتك تشرب عدود الهماجي
ودايم تحبون النكد واللجاجه=والله يخارجنا من هل اللجاجي
ونكان سولف جاب ذل وسماجه=يامخاوي ٍ خبرة عيال ٍ ا سماجي
عود ٍ مدخن طالّعله عجاجه=والعود يخنق كان كثر العجاجي
يرمى بعيد ولا يهمّك سراجه=وقارب هل الطالات وخذ السراجي
ونا مثل كابوس عكر مزاجه=ويبطي مثل شرواه يقلب مزاجي
زلّة ردي النفس لاجتك فاجه= بقوى الردود وخل عنك انحراجي
لنّه ضعيف وضاري ٍ بسذاجه=احمق قليل العرف مثل النعاجي
يضيع مايعرف يحصّل خراجه=ومساوي ٍ نفسه عقاب العواجي
وليا تكلّم قلت هذا خواجه=يرطن رطين ٍ فيه كل انعواجي
وخليت وحه مثل وجه اللحاجه=وسقته على غير الهدى بنفراجي
أنوي على رجه وشفت أرتجاجه= عقله مريض ٍ فيه بعض ارتجاجي
وصدري من الموقف يزيد ابتهاجه=ولبست فوق الراس طاس ٍ وتاجي
وحرقت كبده كنّها فوق صاجه= وبنيت صيت ٍ توعينه بعاجي ّّ [/poem]