اجتمعت الثنتيــن يا طـــق زوري

بسم الله الرحمن الرحيم

أسعد الله أوقاتكم بالمسرات ويشرفني أن أكون أحد أعضاء هذا الصرح الشامخ

كما أتقدم بالشكر الجزيل الوافر لأعضاء هذه الشبكة وأتمنى أن تكون هذه المشاركة حائزة على رضاكم

حيث أنها أول مشاركة لي في هذه الشبكة وأوعدكم بالكثير من المشاركات :



[poem=font="Arial,6,darkblue,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]

والله العظيم ان البلا طق زوري=قد لي ثلاث ليال ماني بطيّب
همي يقلط لي غداي وفطوري=واليا تعشيته حدر بي شعيّب
عسرٍ وحيشٍ ماتجيه الطيوري=غياه بعيونه ونابه يهيّب
آخذ معه مشوار وافقد شعوري=واليا صحيت اشوي عوّدت اغيّب
يسري بي الهاجوس ماطاع شوري=لاقلت سامحني ولا قلت طيّب
من وسعة الخاطر وضحكي غيوري=حتى غدا لاعاد يومه اصحيّب
إليا ملا صدري تعديت طوري=اقوم عن بعض الربوع اتغيّب
الحظ حوّل مضلمات البحوري=ليته قعد حول الشواطي اقريّب
هذي ثلاث ليال صابه دبوري=احسنت فيه الظن والظن خيّب
عليك يا المعبود تيسير اموري=ياالله عجل بالفرج قبل اشيّب
عبدك على احداث الليالي صبوري=صعبٍ على غيره يشوفه اصعيّب..
اضلم علي الوقت واشعلت نوري=في ساعةٍ فيها الضعيف ايتعيّب
لادمّته ليام صابه ثبوري=وايصير عن باقي زمانه مسيّب.
ياذا الملكوت العظيم الغفوري=يامنزلٍ من بارق المزن صيّّب
اجتمعت الثنتين ياطق زوري=قلة محاصيلي وفرقا الحبيّب[/poem]


ا
الشاعر / هادي بن محسن بن جليغم