الشاعر سعيد الحمالي وقصيدة مدح الاد بن دراج

السلام عليكم ورحمة الله وبركاته
هذا اهداء بسيط لعوال العم

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

أطرب وأصخّـر كايفـات الهناديـب =وأغنـي المسحـوب لازان وألعـب
علـى طواريـقٍٍ لحنهـا تعاجـيـب =يطرب لها راعي الجزيلـه ويعجـب
ماقلتها في وصف زيـن الرعابيـب =اللـي تولـع فـي هواهنّـه الصـب
ماشاقني غيـر النواميـس والطيـب =وأشوش لاذكروا هل الطيب وأطـرب
وأنهل من الذكرى وعذب المشاريـب =مناهـل التاريـخ ماهيـب تنضـب
وأذكر بني عمـي حـرار المراقيـب =اللـي تعلّـوا كـل عالـي ومرقـب
وإن قيل:من قلت:القروم المعاطيـب =آلاد "بـن دراج" فـعـلٍ ومنـسـب
كعام المعـادي فزعـةٍ للأصاحيـب =جنٍ ليا ركبوا علـى الضمّـر القـب
وليـا ذكـرت مكمّليـن المواجيـب =يطري علي شالـح وذكـراه تاجـب
ونجد العذيه مدهـل الفطـر الشيـب =وأصايـلٍ تهـذب بالأبطـال وتخـب
وحس العزاوي عند حرش العراقيـب =وعج الرمك والرمح والسيف الأحدب
ووضح البكار اللي عليها الكواليـب =في ظل "ذيب الخيل" ترعى وتشـرب
وبر الفديع بخوه ومن عقبهـم ذيـب =صارت مفاخـر لآل هـدلان تنسـب
ووصيتـه للذيـب لا يأكـل الذيـب =وجزل القصيد اللـي يـدوّن ويكتـب
تاريخهـم مافيـه شـكٍ ولاريــب =صاروا مثل بين المخاليـق يضـرب
وافيـن مافيهـم عيـوب وعذاريـب =ماقلت غير الحق ويشهد لـي الـرب
من بعدهم والخيـل عـرجٍ مهاليـب =وشعاد لوتعسف .. وتسرج .. وتركب[/poem]