ماهو بحر(ن) بارقه لاتبروق= تدري به الاجناب قبل محلفوا

[poem=font="Simplified Arabic,6,black,bold,normal" bkcolor="transparent" bkimage="" border="ridge,thick,black" type=4 line=0 align=center use=ex num="0,black"]
راع الردا والهون والوجه الألوق=لاضاقت وصكت هرب ماوقفوا
حتى ولو خاوا زمان وتصدوق=صداقته تصبح خيانه وجفوا
وقت الرخا هرجه تمام(ن) إمرقوق=وعلاج لجروح(ن) عطيبه وشفوا
سيف الرخا لاقال ولا تنطوق=ووقت الشدايد مايثمن هنفوا
على الصحن بتقول فمه مشدوق=نصب وتمداح ونمه وقفوا
وإليا زهمته في اللوازم تدروق=للمرجله ماهو حريص(ن) وكفوا
مع العرب كنه إعلاقة معلوق=شربه كدر ماقد شرب يوم صفوا
شكله جمل وإطبوعه طبوع الانوق=كلمة رجل تنطق بمثله حسفوا
ماهو بحر(ن) بارقه لاتبروق= تدري به الاجناب قبل محلفوا[/poem]