حمد بن محسن النعيمي.,.,

ارسل الشاعر حسين بن راشد الكبيسي قصيدة معبرة استنكر فيها بعض التغيرات الاجتماعية متطرقا فيها لقبيلته ( الكبسة ) و قبيلة ( نعيم ) كيف كانت و الى اين وصلت ... فكان الجواب كالتالي


طرس(ن) نصاني فجر الصمت تفجير
هانت و هي وسط الحشا مستضيقة
جو به إربوع(ن) من شمال(ن) مسايير
الـلــــه يــــسـمح للمــســير طريقـه
جاني مـن اللـي لـه مـعـزة و تـقـديـر
شهم(ن) يداعب بالــمثايل صـديـقـه
يا مرحبا يا مـــصخر القـاف تـصـخيـر
ما ســــارت الـساعـه بعد الدقــيقه
ترحيبة(ن) مصفوطــة(ن) نوعها غير
مصدر وفا فيها الــــروابـــط وثيقــه
روابــط(ن) فـــيهــا نهـز الــطــوابـير
يوم الردي ينشف من الخوف ريقه
مــــا حافها مجر ولا جـــات تزويـــر
نزهين حــكي الزور ما حن نطيقه
نزهين و ان جانا من الخصم تحذير
نرسي بحزم(ن) كالجبال المويـــقه
لعيون نزهات البــــني الــغنادير
الطاهــــرات الـــفاتــنات العــريقه
الى ازهمن بالصوت ياتن مغاويــر
قحص المهار المتعبات المـــعيقه
اللي لهن يوم الملاقا مشاويــــــر
لا شاف ممرود المـــراره رفــــيقه
هذا مضى واليوم خير(ن) على خير
قفا الشقا و المرمسان العتيقــــه
و انا معك يا حسين بالعصر تــغيـير
قفت بعض ذيك الوقايع و ســـيقــه
و صار الزمن به زيف رسم(ن) وتعبير
و استطلقت يمنى الحقير العويقه
واوصيك لو هرجي ترى فيه تقصير
لا يحزنك زيف الزمـــــان و بريــــــقه
و اسـلم و سـامــح كان بالرد تأخير
هانت وهي وسط الحشا مستضيقه

تقبلوا مني فآئق الود والتقدير.,.,

__________________



هبشآن .. جعلك تسلم على التوقيع .. والله لآيهينك.,.,



n_q777@hotmail.com