هذي القصيده قالها حمد عندما وظفه احد ابناء عمومته في وظيفه احس حمد بان فيها نوع من الاهانه وهي غير ذلك
وشاف ان الجماعه صاروا يقدرون ذاك اكثر منه ويخدمونه
يقول حمد :

قال من عدى حجى نفنوف عالي__________- ضايق ن صدره وكاسرت ن شتونه
ابدع القيفان من ضيقات بالي__________ والغنا ماهي بتخفاني لحونه
فهاظني ياهل الوفا شي ن طرالي__________ وقلت قول وباعلمه للي يبونه
اشهد ان العز في كثر الحلالي__________ والعرب من قل ماله يكرهونه
من معه مال ن تراه يصير غالي __________ والفقير الناس لازم يرخصونه
يرخصه حتى الرفيق اللي موالي_________ واسرته لاقل ماله يبغضونه
مايبونه لا عمام ولا خوالي___________ يمكن ان عوال بوه يقاطعونه
والله لو هو مثل ابو زيد الهلالي ________ مايحسبونه ولايستعذرونه
والردي حيث ان بيده راس مالي__________ غالي ن عند العرب ويقدرونه
يمدحونه كل ماجاله مجالي______________ وان بدى له لازم ن يقضون شونه
لو ذليلن يخلعه زول الظلالي__________ مايكافح لو يتفل في عيونه
حدت الحاجه كريمين السبالي________ يسمعون امر الردي وينفذونه
كم ردي ن ما يساوي له ريالي________ صاروا طوال الشوارب يخدمونه
قالها اللي ذايق ن مرن وحالي ___________ له روابع واخلفت بقعا ظنونه

القصيده واضح انها خارجه من ضميره الله يرحمه وسلامتكم