[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,medium,gray" type=2 line=0 align=center use=ex num="0,black"]
لقيت العشق للعشاق قاسي=لقيت العشق تعذيب ومآسي

انا اللي تهت في بحر المحبه=وتعبت أرسي على كل المراسي

وانا اللي بالهوى ضاعت دروبي= شكيت من الغرام وشاب راسي

وانا اللي ضاقت الدنيا بوجهي=وانا اللي حاربت عيني نعاسي

وانا اللي خانني الوقت وعذرته =وذكرت من الزمن ماكنت ناسي

وانا اللي دمع عيني فوق خدي= ووناتي يهزن الرواسي

بلحظات الوداع ارفع يديني= وودعته رجاي وزاد ياسي

وقفت ادعي واقول الله يجيبه= واشوفه بآخر الفصل الدراسي

ركبت الطايره دمعي بعيني=ادور مقعدي بين الكراسي

من التفكير ضعت وضاع فكري=ركبت بمقعد ماهو مقاسي

وانا جالس وقف واحد بجنبي=يكلمني ولبسه دبلوماسي

سألني قلت انا واحد مسافر=حشا لله انا ماني سياسي

تبسم قال انا الطيار (مايكل)=اذا كذبتني طالع لباسي

وقلت المعذره هذا مكانك=تراني ضعت من بين الكراسي[/poem]