[poem=font="Simplified Arabic,6,black,bold,normal" bkcolor="transparent" bkimage="backgrounds/8.gif" border="double,thick,black" type=2 line=0 align=center use=ex num="0,black"]
تباشري يانجد بالغيـث والخيـر = من عند رب(ن) ما قطعنا الرجا به
ياماحلا شوف النفـل والنواويـر = وصوت أم سالم مثل صوت الربابه
وخوة رجال(ن) كلبوهـم مناعيـر = يجلون هم اللـي تكـدر شرابـه
ربع(ن) لهم عندي معزه وتقديـر = والشاهد الرحمن منشـي سحابـه
يامـن يخبرهـم بعلـم التباشيـر = ويوصل المكتـوب ذيـك الذيابـه
ينصى جنوب المملكة حبها غيـر= آعزها من شـأن ربـع وقرابـه
الحي راقـي والوجيـه المسافيـر= والبيت لضيفان ما نصـك بابـه
تلقى تراحيـب ودلال(ن) مباهيـر= والعود الازرق فال ضيف(ن) لفابه
ماحسبو للمـال ربـح ومخاسيـر = عسى فداهم كل رجـل(ن) زلابـه
إن كـان راد الله لفونـا مساييـر = على ربيع(ن) يطرب اللي مشابـه
الغيث جانا وسط نـو(ن) مزابيـر = يرعد ويبرق فوق رووس الشعابه
نجـد وفيافيهـا سـواة النوافيـر= والظلع سيله عجـل مـا يرقابـه
اسلم ورد العلم في الحـال للزيـر= والرجل لامن راح بالعلـم جابـه
هات العلوم ولا تجيـب المعاذيـر= عسى يتمـم لـك وكيـل النيابـه[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]