السلام عليكم ورحمة الله وبركاته


ها انا ابن سعران اعود اليكم بهذا الطاروق الرائع بين شاعرين عرفهما الجمهور بالقوه ...والابداع...

وجزالة البيت ... ودفن المعنى....

فهم \


الشاعر حبيب العازمي

و



الشاعر فلاح القرقاح

وقد كانت هذي المحاوره بالرياض في قاعه الاسطوره ........


وهذا الطاروق بعد مسابقة شاعر المعنى


يقول حبيب العازمي







مرحبا بالشاعر اللي حط له مركا وتكـا
مرهي انه ياخذ الشيخه على شمل القبيله
نحسب ان عصار سونامو مايرجع يم دكا
والاكيد افلح فلاح ولاش حاجه مستحيلـه





فلاح القرقاح





البقا للتاجر اللي مابعـد للمـال زكـا
لو يدور الحول بعد الحول مرات طويله
الزمان اللي يهول العقل ياما افرح وبكا
ماغبنّا غير مقرود تردى فـي زميلـه




حبيب العازمي




الزكاه اللي بعدها يمسك الرجل ويذكـا
كان مافيها ذنوب اكيد مافيهـا فضيلـه
الله اعلم مار جاء في السالفه ظنٍ وشكا
يمكن القرقاح عنده سر ماطلع حصيله




فلاح القرقاح





القوي لو يظلم وتهظم حقوقـه ماتشكـا
والضعيف لو عطوه السيف مايقدر يشيله
انت وش باليك تبلشنا بطاروقٍ عاى اكا
والعلوم الثانيـه جـمٍ ماتغطـاه النثيلـه



حبيب العازمي




البلا كان القوي يظلم ويزعل ويتحكـا
يتهمنا بالظليمه والظليمه فـي شليلـه
انت لك قافٍ معين تملكه من غير صكا
والزنود اللي تقادح ولعت راس الفتيله




فلاح القرقاح





انفتح بابٍ من المشروه لايمكـن يصكـا
والصحيح اكثر جمال عقيل مافيها عقيله
قالو الخيرات في عكا ورحت اشوف عكا
زرتها بهون وسيله عفتها بهون وسيلـه




وسلامتكم




اخوكم\

ابن سعران

__________________
...