((((( الموت لجل الخوي ماهوب مشحنّي ..... نحرّني القوم وانت ارتاح وانساها ))))))

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يالصاحب اللي تجر الصوت وتغنّـي=يالله مسى خير بعض الناس وش جاها
زكّيت نفسك تقول الوصـل ذا فنـي=امـا القطاعـه فنـا مانيـب وياهـا
مادمت واصل فنـا للوصـل ممتنـي=جعل القطاعه متعرف كيف ممشاهـا
لاتمحق الوصـل يارجـال واتمنـي=المنّـه تضيـع الحسنـه وتمحـاهـا
لكنْ وش جاك منـي قـول واذهنـي=نتعب لشرواك لجل نفـوز برضاهـا
صحيح مثلي قليلٍ فـي مثـل سنـي=لنلي خوال وعمـام اعتـزّ بسماهـا
طيبي وراثه وهذا اكبـر فخـر لنـي=اشهر بفعلي وأصل وفصـل واتباهـا
ماهو غـرور وفعـل يمنـاي بينـي=رجلي على مامشوبه حثّـت خطاهـا
في حزة الضيـق بعيونـك تعاينـي=درعك وسيفٍ يجب ارقـاب تشناهـا
ابشر لك بمحزمٍ وافـي وانـا كنـي=لك بندقٍ ماذكر قـد خـاب مرماهـا
الموت لجل الخوي ماهوب مشحنـي=نحرني القوم .. وانت ارتاح وانساها
وإن كنت في دنيتك عايـش ومتهنـي=جعله يديمه عليك اللـي بعـث طـه
يكفيـك أي الرفاقـه ياولـد عـنـي=ولعتزت بنْدقـك بيـن يديـك تلقاهـا [/poem]