بن جدلان*بن وسام ((للنقاش))

الاخوة الكرام : السلام عليكم
تعرفون ان الحدث الابرز هذه الايام هو شاعر المعنى اللي يقام في مسرح المفتاحة بعسير لشعراء القلطه تحت رعاية سمو امير المنطقة وبلجنه مكونه من الشعراء رشيد الزلامي سلطان الهاجري وفيصل الرياحي
من ضمن انتقادات اللجنه على الشعراء في الحلقات الماضية ظاهره تكرار القافية او بمصطلح الشاعر الكبير بن وسام الهاجري(دعس البيت)..
وقد وجدت تعليق في احد المنتديات على محاورة سابقة بين العلمين الشاعر بن جدلان والشاعر سلطان الهاجري
..
سلامي ردةٍ من بقيق إلى الجنـوب=الهبوب تدفهـا و السعـد يبـرا لهـا
ما اقدر اصدق صدوق و لا أكذب كذوب=لين أشوف الغترة اللي يطيح عقالهـا


سعد بن جدلان :
مرحبا ترحيبة كنها رسم النصوب=كلما نشّت يسير العرب بضلالها
صاحبي قد له سنة قلبـه دبـوب=لا لقا له صخرة ماتشال اشتالها


سلطان الهاجري :
انت مندوب الأذاني و مندوب القلوب=و الحقيقة كل حسنة بعشـر أمثالهـا
شلتها من قو باسي و لا نيب مغصوب=و انت حتى العوسجة تنسدح بضلالها


سعد بن جدلان :
أنت دايم منشغل في الحساني و الذنوب=تحسب ان رب الملا ما خلقك الا لهـا
ما نبي نور القمر يختفي قدم الغـروب=تأخذه يمنى الهـوا بالهـوا لشمالهـا


سلطان الهاجري :
ليش تهرج كذا و انت شعب من الشعوب=الشعـوب لحالها والـملـوك لحالهـا
ما نعرف الأجرب الا اليا حـك الجنـوب=و الفرس ما تشـره إلا علـى خيالهـا


سعد بن جدلان :
انت يا سلطان ما انتب على العليا مغصوب=خلهـا ترتـاح احـلا لكـم و احـلا لهـا
أنـا حـراث المـزارع و طحـّان الحبـوب=لا طحـن لـك حبـة مـا عطـاك بدالهـا


سلطان الهاجري :
أنت ابن جدلان ما انته بعلام الغيوب=كل يوم يا سعد حالتك يرثـى لهـا

...
السؤال طرح هناك لماذا اللجنه ينقدون على الشعراء شي هم اول من يقع فيه او بمعنى آخر هل هو حلال على اللجنه حرام على الشعار الاخرين
وهل وقوع بن جدلان وسلطان في التكرار كان خطأ منهم ام انه في الاصل مسموح به ولكن في عسير اختلف الوضع ؟؟
اتمنى اجد تفاعل الجميع.