............





[poem=font="Simplified Arabic,6,crimson,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لا واهـنـيــك تــشــوف الــزيــن وتـكـبــه=وانـا مـن العـام جرحـي بيـن الاضـلاعـي


ذبيت رجم(ن) طويل(ن) مـا حـد(ن) ذبـه=شـوفـه يــرد النـفـس وجنـوبـه وسـاعـي


فـي صحبـة الـلـي يـقـدر كلـمـة الصحـبـة=غمر(ن) يعـرف المعانـي زيـن الاطباعـي


قـم يـا بـن عمـي علـيـك الطـبـخ والشـبـه=وانـا عـلـي القصـيـد اخـمـاس واربـاعـي


يـا خـوك فـي خـاطـري حـاجـات مشتـبـه=سـبـة ولـيــف(ن) يعـانـدنـي ولا طـاعــي


اغـلـيـه يــــا خــــوك واقــــدره واحــبــه=واشفـق علـى شوفـتـه لا هــب ذعـذاعـي


عقبه كرهت الهـوى وامسيـت مـن عقبـه=يـسـري بــي اللـيـل لا نـايــم ولا واعـــي


عـــوج الحـنـايـا تـنـشـد عــنــه وتـنـبــه=من رحمة اللـي شكـا مـا بيـن الاضلاعـي


قولـوا لـه القبـر لـو مـا خــاف مــن ربــه=سبـب جـروح(ن) تتالـت مـا لـهـا داعــي


يرحـم مريـض(ن) تعنـى مــا لـقـى طـبـه=مـفـتـون مـحــروم مـتـوهـق ومـلـتـاعـي


قولـوا لــه يــرد قلـبـي كـيـف يلـعـب بــه=اخطيـت يـا ذيـب يــوم اختـرتـك الـراعـي


ان جـا فـأنـا بـادمـح الـزلـة وارحــب بــه=وان راح اباعطيه بيت(ن) يبري اوجاعي


لـومــات قـبـلـي فـانــا غـرقــان فـالـغـبـه=وان مـت قبلـه فــلا ينـسـى مــن الـداعـي[/poem]


وسلامتكم

__________________