بسم الله الرحمن الرحيم

والصلاة والسلام على رسول الله محمد عليه أفضل الصلاة وأتم التسليم
============

يقول الوالد الغالي حفظة الله ورعاه / علي بن عبدالله ال ناله الزهيري وهو مرقد بالمستشفى العسكري بالرياض وصار له مده اكثر من تسعة أشهر شفاه الله وجميع مرضى المسلمين هذه الابيات المتواضعه والمعبره عن نفسها والكل يعلم ويعرف موقف المريض وما ياتيه من الهموم والضيق ماالله به عليم سواء كان شايب أم شباب وخاصه الشيبان لايتحملون المستشفيات ولا يرغبونها نهائياً لاكن الظروف تجبر الانسان فمهما تقدم للمريض من كل شي فأنه لا يقبله ولاكنه يريد العافيه والصحة والرجوع الى الاهل والاصدقاء والاقارب والجماعه والقبيلة والكل يعلم ذالك الشي فتهيض الوالد حفظة الله بهذه الابيات المتواضعه قائلاً : ـ

[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="none,medium,gray" type=4 line=0 align=center use=ex num="0,black"]
يابوك طالت على بوك المشاوير = والقلب كنه على نارن يصلوى
طالبك يابوعلي فك المواصير = تخترش وسرني ياطيرشلوى
تراني من أولن أخب وسير = وأضرب فجوج الخلاء والليل ضوى
وتراني والله محسب المخاسير = وعندالقصيرأكرمه ولا أتردوى
جمايلي واضحة من دون تقصير = يوم الدهرشين كلن بي يتلوى
واليوم يابوك بارك مبرك بعير = با الهم والضيم مغير أتزوى
بشرعسى سعيدعمك قام وبخير = عزالله الوقت في وفيه سوى
يابوك فارقت لي ربعن مناعير = ربعن سواليفهم حلوى وسلوى
وصل سلامي عليهم عود وأصغير = وأنا من أفراق راعي الطيب مقوى[/poem]


وبعد سماع هذه القصيده التى أثرت علينا كثيراً وأثرت على من سمع بها من كل صديق ورفيق
فرد على قصيدة الوالد حفظة الله الاخ/ سعد بن على ال ناله الزهيري: _

[poem=font="Simplified Arabic,7,white,bold,normal" bkcolor="transparent" bkimage="backgrounds/22.gif" border="none,medium,gray" type=4 line=0 align=center use=ex num="0,black"]
يالله يالمعتلي ياقايد الخير = ياخالق الخلق من آدم وحوى
تشفي لناالعود من ظيم ومخاطير = عودن على المرجلة دايم مضروى
الصبريابوي تكفى على المقادير = ونهاية الصبرعند الرب حلوى
الضيم يابوي زود أجر(ن)وتطهير = والحمد لله والأقدار بلوى
يابوي صبرك علينا أسبوع ماغير = وبذن الله أتروح متعافي مقوى
من بعد غيبتك ماشفنا المسايير = والبيت كومة حزن وأمسى خلوى
يابوي تبكيك نوقات مصاغير = ويبكيك نجرودلال جنب ضوى
عودتك للديرة من أحلى التباشير = يفرح بهاالقاصي من أسفل وعلوى
يفرح بك البيت من عقب التعاسير = فرحة بدو خيلت رعدن ونوى
ساقوا له الضان وخيار المعاشير = والبل عطاياالله بعشب يروى
يماحلى جلسة(ن) في حزة عصير = والعودجالس يسولف ويتقهوى
في مجلس أرجال ووجيهن مسافير = والنجرصوته تقل ذيبن يعوى
وأبوصقر مرتكي عند المباهير = وقرص الرماده على جمرن يسوى
من قدرالناس يلقى كل تقدير = ومن جنب الطيب يلقى كل سوى
وصلاة ربي على من دلنا الخير = شفيع الأمة لمن العمر دوى[/poem]

وبعد كتابة هذه القصيدة سمع بها الأخ العزيزالأستاذ/ شايع بن عبدالله الزهيري ورد عليها بأبيات رائعه وجميلة والعلم الطيب لايستغرب من أهله وأبو فيصل رجل فيه الخير ومعروف بالطيب والعلم الطيب والكرم والجود فرد قائلاً:-
[poem=font="Simplified Arabic,7,red,bold,normal" bkcolor="transparent" bkimage="backgrounds/16.gif" border="none,medium,gray" type=4 line=0 align=center use=ex num="0,black"]
ياالله ياوالي جميع التدابير = تجعل لنا الجنات مسكن ومأوى
هاجوس شعري قرب أغلى المذاخير = لعل صدري من الهموم يتشاوى
واللي مهيضني جزيل التعابير = قاف قريته من عزيز المخاوى
يامرحبا بعداد ماغرد الطير =من بطن نجد إلي جبوب الشلاوى
قاف ابن ناله حير الفكر تحيير =بأسباب أبوه اللي مرقد يداوى
عز الله إن العود قد ضامنا مير =مير القدر من عند رب السماوى
هذا من المولى وما قدر يصير =والمؤمن المحبوب هو للبلاوى
لا ياسعد عودك تشافى وفي خير =وأنا ترى عودي تغيب نباوى
لو كانها بالمال ودفع المخاسير =ماهمنا مال نسوقه فداوى
إن كان تشكي من التعب والمشاوير =تراك في خدمة بعيد الهقاوى
وأن كان تشكي من عجاف مدابير = لعل باقيها سنين رخاوى
وإن كان تشكي من الغلا والتعاسير =فهاذي بقيعه بين مر وحلاوى
والله يعينك ياسعد على المقادير =وأصبر لحكم الله وكثب الخطاوى
والعود باذن الله بيطيب ويسير =ويروح للديره وهذي مناوى
ويبقى على الطاعة وزود بتعمير =وهذا رجانا في جزيل العطاوى
ماخاب من خلف مثل سالم الزير =سالم والاّ سعد كلاهم تساوى
وماخاب من خلف رجال الطوابير =مثل آل نــــاله في اللقاء ماتقاوى
من يوم يطلع عودكم ياالمسافير =كرامته عندي بحيل ثناوى
أشوفها حق بليا معاذير =واسأل رجال العرف وأهل الفتاوى
وختامها صلوا على منبر الخير =على نبي الحق راعي الهداوى[/poem]