[poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,medium,gray" type=4 line=0 align=center use=ex num="0,black"]
يا راكبٍ حمرا بلونهـا سحامـه= ترعي الزهر لين الشحم فوقها زام
عليها صبى مـا تغيـر كلامـه= يدي الخبر يم الرفاقـه والاعـلام
منصاك شيـخ بينـات اعلامـه= شيخٍ ورمحه في أهل الخيل ملحام
منصاك ابن هادي كبير العمامـه= مكدر الصافـي بعجـات الأيـام
حن درعه الضافي وقوة حزامـه= وعدوة القاسي ندوسـه بالأقـدام
صبيان قحطـان عليهـم ملامـه= والها على صبيان جنـبٍ تلمـلام
تجنبوا درب الرثـاء والملامـه =احموا لنـا قـدام وقـت التنـدام
حنا كمـا مايـح ثمانيـن قامـه= هيما وفي جيلانها تسعـة اهيـام
ما يظهر المايح من أقصى الغمامه= خطر علـى جيلانهـا بالتهـدام
حنـا شـوي وشايلتنـا القرامـه= قطاعـةٍ نذبـح ولا كملـوا يـام
رماحنا وسـط المدينـه علامـه= مع الصحابه قاتلوا ذيـك الأيـام[/poem]



[poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,medium,gray" type=4 line=0 align=center use=ex num="0,black"]
يا سابقـي تستاهليـن السلامـه= الله يجيرك من بلا سـو الأيـام
لي لابةٍ حدرتهـا مـن تهامـه= وسلاحها صنع الفرنجي والأروام
اعلوهم في الطور ثـور كتامـه= واسفلهم اللي كدر الماء على يـام
ياذا البهم والله أن تباري الجهامه= أيلين تنزل بين صفوى والأوجام
حنا كمـا سيـل يطـم العدامـه= حول على طاش البحر له تلطـام
ولابد مـن يـوم يثـور كتامـه= أما على المطران وإلا على يـام
كله لعينـا شافـي فـي كلامـه= يشكي علينا الضد قبل ذا العـام[/poem]



[poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="none,medium,gray" type=4 line=0 align=center use=ex num="0,black"]
يـا راكـب حـرٍ تـذرب سنامـه= نيه علـى نيـه جديـد مـن العـام
ملفـاك شيـخ بيـنـات اعـلامـه= شيخٍ ورمحه في أهل الخيل مسـلام
وجاله كلام حي مـن هـو كلامـه= اللي لفـى منـه هـروج وتوهـام
ويش الجزاء يا شوق زاهي زمامـه= بالسابق اللي جات من صوب الأروام
أهديت لك نور السلـف والجهامـه= وأبغيك ذخـر فـي مقاديـم الأيـام
غديت أنـا ويـاك مثـل النعامـه= جاها بلاها مـن ثيقـلات الأقـدام
وان كان تبغـى سابقـك للسلامـه= فلا تحـول بالجحـادر علـى يـام
ولا تطـاوع شافـي فـي كلامـه= بالك تطاوع شور فضـاي الأنعـام
الشايب اللـي مـا تحلـل إعظامـه= عيـت تبيّـده الليـالـي والأيــام
لاشب له ضـوء بـراس العدامـه= قمنا نربـط غالـي القـش بحـزام
يحرم عليـك النـوط فكـة إبلامـه= مادام فيها واحـد مـن ضنـا يـام
وصلاة ربـي عـد منشـأ غمامـه= علـى بنـي خصـه الله بالإكـرام[/poem]





[poem=font="Simplified Arabic,4,black,bold,normal" bkcolor="darkred" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
والله لولا فيصل وأمر الشيوخ امطاع= أن قد انشد وننزل بين الحسا وانطاع[/poem]



[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,medium,darkred" type=4 line=0 align=center use=ex num="0,black"]
تراه يكذب يا فيصل ما هوب لك مطواع= نتافة لحية مرشد والشيخ الآخر ضـاع[/poem]

__________________
هذا كلام الشاعر القحطاني ...... اللي جدوده للقصيد اسناده