[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=1 align=center use=sp num="0,black"]
العين تشبح .. والآيادي قصيره=والشوق يذبح .. والجفيّا جنايه
والفكر يسبح .. فالآماني الغزيره=والشخص يربح .. لا غشته الهدايه
ياقلب لا تحزن عسى الأمر خيره=لا زلت ياقلبي بخط البدايه
إن القناعه للقلوب البصيره=وإن الطمع يعمي بصرها عمايه
ترى السحب وإن كان ماهي مطيره؟=يكفي إنها من حر شمسك حمايه
وترى مجاراة العقول الغريره؟=بدايةٍ ولا لها أية نهايه
لأن السنا مافاد عينٍ ضريره=كني على المويه أخط بعصايه
والفقر ماهو فقر درهم وليره=الفقر فقر النفس ياأهل الدرايه
وإن كان معناته بويمنىً فقيره؟=ماهو على قول الرفيدي (عوايه)
ماهي عواجه فالرجل او معيره=دامه يعرف المقديه والكفايه
والمرجله صعبه ولاهي يسيره=ماهيب تنسب للشكل والكنايه
كبر النسر ؟ ماينفعه فالعسيره=وصغر الصقر ؟ ماعوّقه دون غايه
وربوعك ربوعك بعسر وستيره=بالسعد سعد ... وللرمايه رمايه
فالرجل كانه دون ربع وعشيره ؟=ماله مع الرايات فالرجم رايه
والكيّس اللي يعتبر درس غيره=من تجربه تنشاف .. ولاّ حكايه
يمشي على حكمه وحكمه شهيره=(إن العلاج آخير منه الوقايه)
وترى قضا الحاجه بأتم السريره=تحميك من قوم الحسد والوشايه
إجعل شعارك فالحياه المريره=.. ماكل شخص آقول له محتوايه ..
حتى لو لسانه يقطر بشيره ؟=ماهوب شرط إنه لقلبه مرآيه
والحب نعمه لا ونعمه كبيره=أترك سواليفٍ تجي من روايه
وهاك القليل اللي صمل عن كثيره=إن كنت في معناه رايب وتايه
الحب ؟ والإخلاص وشوي غيره=أقوى أساس يجي لأجمل بنايه
والشعر منتوج العقول المنيره=هوايته ياطيبها من هوايه
والذكر يبقى كالجبال القريره=إما طمان الذكر ولاّ علايه
فياقلب لاتحزن عسى الأمر خيره=لا زلت ياقلبي بخط البدايه
عقلي تراه مقدر بحكم جيره=واوصاك من خوفه عليك ودرايه
ذي توصيته .. بحسب ماأملا ضميره=وأرجوك ياقلبي تحفظ الوصايه[/poem]

__________________

لسماع قصائد الشاعر : سعيد بن مانع
اضغط هنا