▀▄▀▄][....مذكرات صعلــوكـ بن علكـ آل لزقة ,,,..][▀▄▀▄ -

السلام عليكم ورحمة الله وبركاته ,,
مساء الخير للجميع وكل عام وأنتم في سلة حلويات غندور ..
طبعاً كعادتي في أي موضوع أبدأ فيه بـ(مدخل ) لكن هالمرة ناوي أغير العادة وأبدأ الموضوع بدون مداخل وذلك لما سببته تلك المداخل من تزلج البعض و وقوع البعض الآخر .
مذكرات صعلوكـ بن علكـ ,,,

نشأته :

صعلوك بن علك آل لزقه نشأ في قرية صغيرة يحدها من الجزء الشمالي – الله يكرمكم- محرقة نفايات ومن الجزء الجنوبي خزان ماء كبير لونه أصفر مع أزرق – طبعاً ماهو نصراوي – ترعرع صعلوك بين أحضان أمه (نوره بنت أنور ) حتى كبر والقطو يوقف على كتفه. أكلته المفضلة (عدس مع ملوخية ولابد تكون بالسكر) يحب يشرب عصير (جزر بالكراميل ) وبعد ماعرف أنه دنيماركي غير شرابه إلى (قهوة بالبشميل ) وفي رواية (موكا ) ، يحب يلبس سراويل تصنعها له أمه من (خيوط دودة القز ) طبعاً ماكان جسمه ناعم لكن أمه كانت تهتم فيه وتخاف عليه من الهواء الملوث وفي رواية الهواء المؤكسد بأكسيد زرنبيخ الخارصين .

هواياته :

من أحد هوياته المفضلة تقشير البصل مع أمه بعد كل صلاة ظهر وخصوصاً لو كان عنده طلب من أمه ، غير كذا عنده هواية أخرى وهي دعس النمل مرات ومرات وضعهم في علبة ببسي ويرجهم داخل العلبة حتى يموتون من القهر أقصد من الرج .طبعاً هذه هوياته يوم هو صغير لكن يوم كبر صار عنده هويات ثانية وكل هواية لها وقت فكان بعد الظهر هوياته هي تلميع كفرات سيارته (الونيت الأحمر ) لكي تراه خطيبته (طلعه بنت نازل ) وبعد العصر كان عنده هواية تخريب اللعب على اللاعبين الذين في الملعب المجاور لحارتهم .وبعد المغرب كان عنده هواية ضرب أي شخص يمر من قدام بيتهم ويكون مولع النور وبعد العشاء كان عنده هواية الكتابه على جدران الحي بالبخاخ ومن تلك الكتابات التي كان يكتبها (طلعة+صعلوك=غلطة عمر ) و(كلوركس ليس مجرد شراب قوة) وعبارات كثيرة لايتسع المجال لذكرها .

سيرته الذاتية :

صعلوك بن علك طالب في المرحلة الثانوية رسب في صف الأول ثانوي ثلاث مرات أولهم قرار فصل يسمى صعلوك لأنه نحيف واحتمال لو جت رياح بسرعة 5 سنتيمتر في الثانية يطير ويحصلونه متعلق في شجرة أبوه اسمه علك لأنه زمان كان إذا تعرف على شخص مايفكه حتى لو دخل الحمام دخل معه أو بمعنى آخر لو دخل بيته دخل معه . ينام دائماً في المخزن لأنه كان أوسع مكان في بيتهم .

مرت على صعلوك مواقف كثيرة منها صعلوك والخرفان المساكين وصعلوك وسروال الهندي وصعلوك وفـرّاشة المدرسة وسنتطرق لتلك المواقف في الحلقات القادمة كل موقف على حده .


[ صعلوك والخرفان المساكين ]

قرب يوم العيد وكل واحد قام يشتري خروف هذا يشتريه ويحطه في بيتهم والي هناك يوصي خوي(ن) له يجيبه له من (مزرعة أبوعوير العبدالغفور ) أثناء هالمدة صعلوك كان يسمع عن أخبار إن فيه مرض انتشر بين الناس اسمه (إنفلونزا الطيور ) وصعلوك بحكم أنه يحب اللحوم خاف إن هالمرض يصيب حوش الغنم الي ورى بيتهم ومن ذاك الوقت صار صعلوك يهتم في الغنم حتى كان يدخلهم في غرفة ويصك على الخرفان ويقولهم (عندي لكم عطر اسمه بف باف لابد أرش عليكم منه وإعتبروها هدية العيد مني) طبعاً بعض الخرفان عارفين إنه يضحك عليهم من يوم شافوا صعلوك يرش عليهم الـ(بف باف ) وهو متلطم (وإلا في أحد يتلطم من عطر ) طبعاً نسيت أقولكم إن صعلوك كان معلق ورقة كبيرة في حوش الغنم وكاتب عليها ( جديد : عطر بف باف قادر على قتل أي تيس يمر من جنبك .أيه الخرف العزيز :سارع بشراءه فالعدد محدود والموتى كثير ) طبعاً صعلوك كان يعتقد بأن الـ(بف باف ) راح يقتل أي فيروس سواء (انفلونزا الطيور أو غيره ) لكن للأسف كان اعتقاده خاطئ وماتوا كل الخرفان إلا خروف واحد مامات لأنه كان كاتم نفسه أثناء ماكان صعلوك يرش على الخرفان الـ(بف باف ) طبعاً حزن صعلوك على وفاة الخرفان الباقية وحزن حزن أكثر من قبل يوم أبوه ربطه بحبل في السطح ويرش عليه كل يوم ماء بارد ويولع عليه المكيف الصحراوي الي كان حاطه أبوه حق الملحق إلي برى . خرج صعلوك من السطح بعد فترة عقاب تعدت الثلاث أيام –أيام عزاء الخرفان- راح صعلوك يركض على الخروف الي بالحوش يبي يبشره إنه طلع من السطح وأنه متأسف إنه ذبح الخرفان ،جى صعلوك مسرع وفرحان نزل من الدور الأول وثم ركض بالحوش وفتح حوش الغنم شاف الخروف قاعد بزاوية الحوش فرح صعلوك وشقت البسمة وجهه وراح يركض لمه لكن تفاجأ صعلوك يوم قرب من الخروف قال له :



تفووو على وجهـك إسمح لي ماأكلم مجرمين .


انتظروا الحلقة القادمة صعلوك وسروال الهندي .

تحياتي ,,