حنـــــــــــــــاش بن جارالله

السلام عليكم ورحمة الله وبركاته


اسعد الله اوقاتكم بالخير والعافيه

ابو احمد يستاهل المدح لانه كفو انا الليله كنت في مجلس وسمعت علم غانم

من علوم ابواحمد وفزعته في حادث ال ابو ديه وابو احمد علومه كلها شرف لقحطان

عامه عاد وانا جاي في الطريق اتهيضت بها البويتات اللي اعتبرها

قلليله في حق حناش.
*******


[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يابيض غني واركزي في بيت كساب الجميل=قصر تفيّي فّيته منهو تفّيا في ذراه
راعي الوفاء راعي الكرم رجم وله مبدا ًوحيٍل= رجم طويل مزبن اللي من عنى بقعاء رقاه
زيزومها فتالها حلالها شكله قليل=يتعب على العليا وكل الطيب من طيبه خذاه
حناش يفداه الردي واللاش والهيت الذليل=واللي علومه ماتنوس لابته جعله فداه
اليا وقف في الماقف الغصاب حل المستحيل=من فضل ربه كل موضوع تدّخل به نهاه
مثل الجبل مثل الجمل ماهمه الحمل الثقيل=يدحم وجنبه مثل ظلع طويق وجبال السراه
امدحك من فعلك يابو بندر عسى عمرك طويل=ولاني بشاعر مدح بس الفعل هيضني نباه
جتنا علومك جعل يفداك المنافق والبخيل =ماهي غريبه منك ياحناش يامال الغناه
جاني خبرها يالعبيدي في جناح اطراف لليل= حي الله اللي دائمٍ علمه رفيع مستواه
اصل الكرم واصل الوفاء يعرف بها الحر الاصيل=ولاّ الردي ما فيه فرقٍ وين وجه من قفاه
حناش صيته شايع بين العرب ماله مثيل=يدري به اللي ما درى واللي درى صيته قراه
جمايله عند العرب الها عنواين ودليل=اقولها واثبت على قولي على كل اتجاه
والشاعر اللي يدّعي بالكذب يا ويلاه ويل=ويله من الله في نهار يتركه حتى نماه
اقولها والله على ماقلت في هرجي وكيل=غنيتها والنجم نوره ماتخفى في سماه
وضحت كلمة حق من شاعر ومن عابر سبيل=عسى لسان اللي يغط النور ينشب في جماه
قلت الكلام اللي يحشرج في حشاءالقلب العليل=عليل في حب الرجال اللي لها وجهٍ وجاه
والختم ياحناش هذا الهرج والعلم الجزيل=تبقى على طول الزمن غالي ومن ربع غلاه
اسلم وسلم لي على ربعك امزّبنة الدخيل=والمدح في شرواك ياحناش يطربنيٍ غناه
مضواح بن شتوي[/poem]

__________________