واطلقهم اللي دق دقه وسكّر=عسى عيوني سنين ماتشوف عينه

[poem=font="Simplified Arabic,6,white,bold,normal" bkcolor="transparent" bkimage="backgrounds/22.gif" border="outset,thick,sandybrown" type=4 line=0 align=center use=ex num="0,black"]
يقول منهو بأصدقا الوقت فكّر=شاعر وميز زين وقته وشينه

فيهم ردي(ن) لاتغانا تنكّر=ماكن شي(ن) صار بينك وبينه

وفيهم من إليا شاف جوك تعكّر=يجيب لك فوق الغبينه غبينه

وفيهم ضعيف(ن) هرجه تقول سكّر=وليا بغى له شي جاله رطينه

وفيهم من اللي لانفعته ماشكّر=والهازله عنده سوا والسمينه

وفيهم كما صندوق ماو(ن) مسكّر=محد(ن) درا وش فيه وإثقيل طينه

وفيهم من اللي لو ذكر ما تذكّر=فعل(ن) على الطالات ماضي سنينه

واطلقهم اللي دق دقه وسكّر=عسى عيوني سنين ماتشوف عينه[/poem]