رحلة ( حااااافظ وتركي السنحاني ) إلى الصوما
امتدادا لقصص الأعضاء عن رحلاتهم مع بعض ,,, وبعد أن أسعدنا سعيد بن مذي وهيثم الرفيدي بتفاصيل رحلتهما إلى لبنان ,,,
أروي لكم قصة رحلتي أنا وسعادة المشرف / تركي السنحاني ,,, حفظه الله ,,,
والمعذرة على الإطالة ,,, ولكنها لاتحتمل النقص ,,,,
وتبدأ تفاصيل الرحلة عندما جاءني اتصال من تركي يتطمن فيه عن الأحوال وبعد أن أخذنا بأطراف الحديث قلت له لماذا لا نغير جو ونروح عن أنفسنا فما رأيك في السفر ,, فقال بلسان طروب ((قداااااااااااااااام )) وقد اخترنا الصومال ,,, لنرى حقيقة خط الاستواء الذي طالما درسناه في الجغرافيا ,,
وبعد قرابة الساعة وصلني تركي قادما من الشرقية إلى الجنوب بسرعة البرق وراكبا سيارة السفر ألا وهي حراثة موديل حديث ,, قطع بها الصحراء من الشرقية إلى الجنوب ’’
وركبنا سويا ونحن نتعاقب على القيادة ,, ولكن كنت اتمنى ان يترك تركي لي القيادة حتى نصل ولكنه رفض ( وليتكم تشوفون السواقه .. حرام تقولون شايب ,, يمسح طبلون الحراثة ويمشي 17000 ميقا هيرتز حسب طبلون الحراثة )
ومع طريقنا حتى تعدينا جيزان ,, وعشق أبو فرحان الدبل ودخلنا عبر البحر وعلى بركة الله ,, ويالله ويالله حتى وصلنا فرسان وتغدينا هناك وفللنا ديزل وبسم الله ,, وعلى ظهر ذا البحر الي ما شاء الله مزدوج ,, ونشوف من بعيد منفذ قلنا غريبه وصلنا بسرعة قال تركي هذي السواقة ولا بلاش ,,, خلك يا حافظ مساعد طيار ,, قلت ابشر ,, قلت له يا تركي انت متاكد من الخريطة قال : ولا حرف ,, قلنا أمرك طال عمرك ,,, ومع المنفذ وبعد ما خذنا 350 كيلو قام تركي وجنب عند لمة ناس جالسين في بسطة وقال لهم يالربع وين مقديشو وكم باقي عليها ,, وبسرعة تناقزوا ذولا السود وبرشاشاتهم ونزلونا من حراثتنا ,, والله ستر ما ذبحونا ,, (( وما كنهم كفخونا ولا شيء صح يا تركي ؟؟؟!!!! خخخخخ ذاك الشايب اللي ملخك بالعصا بين إذنيك والحيد اللي وقعت في راسي صح,, على الله.. خخخ) وقال انتو تستهبلون ولا اش عندكم ,, قلنا يالربع حن ما سوينا شي غلط بس سألنا عن العاصمة هي قريب ولا لا ,, قالو اش دخلنا في مقديشو ,, حن جيبوتي وبيننا وبينهم ما عار وطار ,,, ألتفت لتركي وقلت يا راعي الخريطة ؟؟؟؟ قال خارجنا وبس ,, قلنا لهم والله ما ندري وضعنا في الطريق وووو... ,,, قالوا ما عنكم وعن الحجرة ( أبو زعبل ) لكن شفنا معهم شايب وقلنا يا فالح الراي حن رادين الشان فيك ,, وحن في وجهك ,, والله ما عندنا لا وحده ولا ثنتين ,, قال لأخوياه تدرون العرب في وجهي ووالله ما حد يقول لهم كلمه ,, قلنا ابيض وجه يا سمران ورجعنا مع طريقنا ,, وسيده على الصومال وعرفنا الطريق بعدها وندوج في هذا الارض وبين ذالوجيه الزينه ,, وحصلنا مرشد سياحي وسيم عليه ملامح الصلاح والاستقامة وما قصر معنا دلنا الاماكن الزينة وهذي صورته :
وحن ندور لخط الإستواء فجأة إلا وذيك الدورية ( شاص مليان صندوقه من ذولا العسكر البيض خخخ؟؟؟ ))
وكل برشاشة وقالو دونكم ,, والعين من ابو شنب حط رجله وبلا مرشد بلا خريط ,,,
وعلى قسم الشرطة وشافو تركي مطوع قالو له انت من جماعة المحاكم الإسلامية قلنا لا والله ومن ذا الكلام وندور واحد يتوسط لنا لكن ماعندك حد,, قالوا وش عملكم اذا انتوا صادقين قلت حن مراسلين شبكة قحطان ويشملنا ما يشمل الصحفيين وحن نبغى نغطي الحرب عبر الانترنت وهذا سعادة المشرف الدكتور /تركي السنحاني ,, انبسط تركي وقال ابيض وجه فديتك ,, قاموا يطالعون في بعض ويبغون يمرمطونا ,, وفيه ذيك الشرطية اللي تطالع لتركي وشوي قد هي ترفع الجوال ,, وترسل بلوتوث لتركي قالت القلب غرز عندكم ,, وكفلتنا بنت الأجواد وطلعتنا ,, ونروح معها لبيتها واذبحي الذبيحة واعزمي الجماعة وما قصرت ,, وقالت اش جابكم قلنا نبغى نشوف خط الاستوا اين هو ,,, قالت يا شباب هذا خط وهمي وغير موجود على الطبيعة قال تركي : انه ما انشبنا الا هذا ويأشر علي ,, قلنا ماشي ,, وطلعتنا بسيارتها وتمشيه ويمين ويسار ووقفت عند ذاك المنتجع وقالت لي صرف نفسك ,, قلت ليه ,, بنروح ونجي ,,قلت تتركوني لحالي ,, قالت ابغى توتو في كلمة راس ,,, وكانت على قدر كبير من الجمال وسبحان الخالق ,, لا تسألوني وين راحو؟؟!! ما قالو لي يمكن توريه مخطط للبيع ؟!!!!!خخخخخخخ
وبخطف البرق صورتها لكم وهي مبتسمه ,, أجمل ابتسامه ,,,
( المعذرة عن إدراج صورتها ,, خشية الحذف , ومن أراد فليرسل لي على الخاص إشارة ويبشر )
المهم ودوجه هنا وهنا ويكملكم تركي لأني ما أقدر أقول شي ما يبغى نقوله ,,,
ورجعنا إلى أرض الوطن بعد رحلة ممتعة مع شخص ممتع ,, ولكن قال يا حافظ كل شيء إلا الصومال والله ما عاد نطبها ,, قلت خير ,, ونزلني
ورجعنا لكم بعلوم السلامة :
دمتم في حفظ الله ورعايته ,,,,
مراسلكم /حاااااااااااااااااافظ .
__________________
التعديل الأخير تم بواسطة @تركي السنحاني@ ; 08-09-2007 الساعة 04:04 PM
08-09-2007, 04:24 AM
تعليمات المشاركة
المواضيع المتشابهه
العرض الشجري