[poem=font="Simplified Arabic,6,black,bold,normal" bkcolor="transparent" bkimage="backgrounds/14.gif" border="solid,medium,black" type=4 line=0 align=center use=ex num="0,black"]
ياللي على تنشد وقلبي لك يتوق=خطر(ن)فؤادي ينجذب من محله
أخاف لك ينتل من شدة الشوق=وألا يموت من القهر قبل حله
ماكن له بالصدر يازين معلوق=أمانه إليا جاك بالصدر خله
لاتزعجه وليا تحركت برفوق=قلب(ن) خذاه الشوق والحب سله
القلب لحم ودم يازين وعروق=ماهو حجر قاسي ولاصلب لله
لكن ياللي كن في خدك بروق=ارحم عزيز(ن) حبك أسباب ذله
لو إن بإشارت عين من دون منطوق=تنشد على حال(ن) محلحله كله
ياللي جمالك رافعك في البني فوق=والله عطاك الزين دقه وجله
نجوى كلودا كاتيا زينب وفوق=أسماء جمال(ن) ناشرتها المجله
عنهم غديت بوصف وأخلاق وفروق=ميزات حور جنان والله ووالله[/poem]