من اروع شيلات الشاعر تركي الميزاني .. [ ياحرفي اللي ضاع ] ..

صبحكم / مساكم الله بالخير


هذي شيله لصاحب الصوت العذب الشاعر تركي الميزاني .. يقول فيها :
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياحرفي اللي ضاع مابين الدفاتر والرفوف = اللي رسمته من تنهَّاتي ومن حبر قلمي
ضحيت لجله في حروف وقمت لجله في حروف = وصبرت لو النار من فوقي ومن تحت قدمي
ياصاحبي اللي على شانك تحديت الضروف = اسمع كلامي زين وافهم وش اقوله من فمي
ماهو بأنا اللي تتركه بين الخناجر والسيوف = وتمص دمه بين خلق الله يامصاص الدمي
انا بدويٍ ماسكن في الوقت مسكان الضعوف = اتبع هوا بالي واسير عند ذودي وغنمي
طوفتها لك لجل خاطر عين ولا ماتطوف = ولا انت مهما زاد وزنك وزني يطرحك نسمي
صمتي يدل اني وفي ومسويٍ فيك امعروف = وصبري يدل اني من زحول الصناديد انتمي
ياقوم ياللي تذبحون الحيل قدرٍ للضيوف = وش رايكم في اللي يعشيني من اوصال لحمي
وقفت له يوم اجلسوا واجلستله ناسٍ وقوف = غير الذخيره والفشق في محزمه من محزمي[/poem]


واتركم مع مقطع الصوت : دقيقتين و38 ثانيه



إضــغــط هــنــا











أخوكم / الحميداني ..

__________________
[line]


[line]