بسم الله الرحمن الرحيم
السلام عليكم ورحمة الله وبركاته
واليكم هذه المشاركة من قصايدي اتمنى ان تحوز على رضاكم،،،
[poem=font="Arial,5,black,bold,normal" bkcolor="burlywood" bkimage="" border="groove,medium,gray" type=4 line=0 align=center use=ex num="0,black"]
عطني قلم عطني حبر عطني أوراق=وأعطيك ميثاق الوفى والعقيده
دام القلم لمعانق الطرس مشتاق=مشتاق يكتب للقديم ويعيده
من فوق خد الطرس يكتب وينساق=يرسم على أفاق الزمان البعيده
بينه وبين ألمحبره حب وعناق=حب(ن) قـديم وصار مولد قصيده
قصيده تبكي على بدو ونياق=وغزال برآ.. تطرده ! ماتصيده
تسكن لها في خيمة(ن) مالها أرواق=..حر وجليّد والعواصف شديده
منحوسة(ن)، حياتهـا أفراق بفـراق=خلقت وحيده وأستمرت وحيده
مجروحة(ن)، جرحآ تمكن بالاعماق=ماجـات دنياهـا على مـاتـريـده
تبكي وتشكي وضعها كيف ينطاق=تجحد مصايبها وتبدو سعيده
على ملامح وجهها باّن الآرهاق=جمالها ماباقين له شريده
قلت الخبر ، قالت..بشر ماله أذواق=لا تبحث المجروح جرحه تزيده
عطني أمل لـو..؟كـأنت خيوطه دقاق=يعيد لي دنياي صفحة جديده
خلك لفعل الخير و الطيب..سباق=لو كان تنصحني نصيحه مفيده
قلت أصبري ..قالت نفذ صبري وراق=صبري لغيب الغيض ذوب جليده
حتى رحيب الكون في ناظري ظاق=أعيش في دنياي عيشه زهيـده
مشرده مالي وطن مالي أرفاق=أنا عنيده والليالي عنيده
أنا قتيلت ناس ماعندها ، أخلاق=مقتولة(ن)،من غير ذنب وشهيده
موتي ترى ماهر سبب حب وأشواق=موتي خيال وظمني في رصيده[/poem]
وسلامتكم،،،،،