[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عادة الشهم أن لفا وقت الشهامــــه = اقبــل يـهــد الصـعاب المستحيــلــــه

اهــتنيت بقـــــومتك يابوســـلامـــه = أشـهـد أنـك تـبـرد الـكـبـد الغليلــــــه

أنت حـراً يكـفخ ويطـرد مـرامــــه = ليـن ياصـل هـقــوتـه بايـة وســيلـــه

أنت سيفاً في الشـدايد له صـرامـه = فـارقـاً بيـن المـراهيـف الصقيـــلـه

أنت اخوي اللي فزع لي بابتسامــه = بعـد ماكـنـت أتـجـرع حـنـظـلـيلــــــه

ســاقك الله مثل همـال الـغمــامــــه = وانعــش الخـفـاق والـنفـس العـليـله

أنت ماصـديت يامــال الســـلامــــه = ليــن قـصـرت السـواليـف الطـويـلـه

أنت شوق الشعر في عالي مقامــه = وأنت شـوق الـخيـزران أم الجديلـــه

شايباً جابك عسى الجنة عـظامــه = اسـمـه وفعـلـه ومنـهاجـه تشـيلـــــه

والليـالي كيف ابلحــقها مـــلامــــه = لاعــتذر بعــض الرجـال وقل حـيلـــه

ماعـرفت بـوقت الازمـات النـدامــه = خـل كـل وقـتها يـظـهـر حــصـيـلــــه

المـراجل لا بشــوت و لا عـمامــــه = لا سـوالـيـفاً و لا شـيــخـة قـبيـلـــه

المـراجل من لحــقه ابـها غشامـــه = يـاصـل ( ملـهـي ) ويلـقـاه الــدلـيـلــه[/poem]