[poem=font="Tahoma,5,white,bold,normal" bkcolor="black" bkimage="" border="solid,thick,seagreen" type=4 line=0 align=center use=ex num="0,black"]
صديقي الرجل .. الدنيا لها دوره=إتجمع الناس وفالغالب تفرقها

والناس بأخبار سو الناس مسعوره=وفالطيب بكما ذكر وآذانها صقها

وحنا فضاءاتنا ضحله ومحصوره=نبي نطلع من السطحيه اعمقها

أفضالنا ودنا انها دوم مذكوره=وعيوبنا مانحب أحد يتطرقها

كأننا رعاع .. منهيه ومأموره=نحفظ شعارات .. لكن مانطبقها

جهال في عالم الإنسان وشعوره=نستحقر اللي شنباته يحلقها

نقلد آبائنا بالصوت والصوره=وحتى خرافاتهم لازم نصدقها

نحب نحزن ولو الأوضاع مسروره=نعمل من الحزن غبه لجل نغرقها

يامجتمعاتنا هشه ومغموره=يا إن لنا أعماق مانعرف حقايقها



صديقي الرجل .. لافوره ولاثوره=الأحلام .. ما كلها نقدر نحققها

فالعاصفه أذكر البستان وزهوره=وإن ماعطاك الزمن بسماتك.. إسرقها

وإن انشدوا كيف حالك قول مستوره=لو إن الاوجاع .. يوميا تشققها

النفس إذا ماهي بشرهه ومغروره=يطقها الشح .. وتروح انت تلحقها



صديقي الرجل .. واطراف النسا عوره=فما بالك بجرحها والا مزارقها

إختارها خيرة المبلي لدكتوره=واتعب على عروق اهلها اللي تلاحقها

وركز على دينها والعقل وحضوره=وشفها .. وحاول تعرف اللي ترافقها

الزين .. غسل اليدين .. ولذته فوره=عليك بأخلاقها اللي مااتتخلقها

وإن سهل الله وزان الحلم بأموره=الغاربه .. في التعامل لا تشرقها

كن مبتسم مقتنع بالله ومقدوره=وشف أحلى مابها من اشياء واعشقها

اشفق لها شفقة الشاعر لجمهوره=تحفظ حروفها من قبل تنطقها

وإن ضايقك شي .. خل عنادك وجوره=إهمس فإذنها عتب وانته معانقها

العمر .. قصير .. والأيام معموره=ماتستحق انك تضيق وتضايقها

وإن شفت مايظهر الرجال عن طوره=لاتكسر في نفسها .. ولاتعلقها

سامحها واقطع طريق الشر وشروره=أو ردها لبيت شايبها وطلقها!!

مايضمحل الرجال فعيون غندوره=إلا لا عدد خطاياها وخانقها

ومايستزيد الرجال فعيون غندوره= إلا لا طوف خطاياها وصادقها[/poem]

__________________