[frame="9 80"][grade="FF0000 4B0082 FF1493 800080 FF1493"] رساله وملزوم اوفيها ... اتمنى تنال اعجابكم


في ذكر الله بديت اكتب..قصيده تشبـه استجـواب
وانا شاعر إلا منّي بغيت اكتـب ؟ اسوويهـا..!!!

اسويها كذا ومحسب حساب اللـي يجـي بعتـاب
ولو فيها يجي موتي...؟ هلابـه كـل مافيهـا..!!

هلا يامرحبا بهذي الرساله وصاحـب الاعجـاب
معـزه صادقـه جتنـي وانـا ملـزوم اوفيـهـا

زمنا يالخـوي فاقـد وفـا اصحابنـا الاحبـاب
ومثلك صاحب يمطر مراجـل وسـط اراضيهـا

مدامك جيتني تسأل عن اوجاعي وعـن الاسبـاب
ابي منك كذا حاجـه قبـل مـا اوجاعـي ابديهـا

ابيك تكون رجال ليا من ضـاق ضـاق وطـاب
رجـل لازادت جروحـك عـن العالـم تخبيهـا

ابي بعز الحـزن تفـرح وتفتـح للأمـل ابـواب
رجل لامالـت الدنيـا علـى صـدرك تساويهـا

ترى بعض البشر تجفي الحزين وتطعن المنصـاب
ابـي ماتشكـي احزانـك لغـيـر الله واليـهـا

انا ياصاحبي كاتب من احـزان الزمـان اكتـاب
ولكنـي رفضـت انشـر همومـي ولا اشكيهـا

اخاف انشر وجع قلبي واوضح موقع الاعراب..؟!!
يجيني يفتخر صاحب وجـع رووحـي ومشقيهـا

إذا هي تهمتي إني رجل غامض..؟!! فلا ترتـاب
بوضح لك بعض اشيـا وبعـض اشيـا بخفيهـا

انا من قسوة جروحي قـوى باسـي وقلبـي ذاب
وفينـي تلعـب الدنيـا بقسـوه بـيـن اياديـهـا

عشقت انسانه لالاعفواًَ اسد لكـن بـدون انيـاب!!
رقيقه مذهله صعبـه مريضـه وجيـت اداويهـا

قسـم بالله ماشفـت بحياتـي مثلهـا اهـداب..!!
عليها عين..!! من تغمز اجـي وبروحـي افديهـا

صنعت من الغلا قلبي لها ستر وغطـا وحجـاب
ابـي قلبـي عـن العالـم يغطيـهـا ويحميـهـا

انا مجنون من قبـل الغـرام وقبـل لا انصـاب
ثقيـل وعاقـل اجنونـي قبـل معشـق مواريهـا

شسوي جتني مجنونه على جنونـي تطـق البـاب
تطـق البـاب لكنـي فتحـت ابـواب اللبيـهـا

إذا قيس الملوح ذاب فـي ليلـى وقلبـه تـاب.؟!!
انـا ماتـوب مـن حـب بنـت وحـب اهاليهـا

معاها كانت الدنيا سما زرقا ورضـااا واسـراب
كثـر ماحبهـا وربـي علـى نفـسـي ابديـهـا

احس بصوتها تجمـع تغاريـد ودفـى واحبـاب
واحس الدنيـا تحضنـي بغلاهـا يـوم احاكيهـا

ادلعهـا وابكيهـا واراضيهـااااا وانـا مـرتـاب
اخـاف انـي ابكيـهـا ولا اقــدر اراضيـهـا

اسهرهـا وانومهاواصحيهـاا برضـا واعـتـاب
اطمنهـا بغـلا وارجــع اجننـهـا وابكيـهـا

اريحها وانا شاعـر رومانسـي وبالغـلا غـلاب
وإذا ارتاحت انومها علـى صوووتـي واغطيهـا

احاول كثر مـا أقـدر اداريهـا واجـي منسـاب
وإذا ضاقت..؟ اجي طايـر عليهـا لجـل اسليهـا

غيور وغيرتي غيرة بـدو حتـى مـن الاقـراب
لو بكيفي..؟!! قسم انـي هنـا بصـدري لخبيهـا

ظروفـي وقفـت ضـدي ودارت دورة الـدولاب
جرحني الوقـت ورجعنـي علـى ايـاام ناسيهـا

تصور عاد موقعهـا بعـد هـذا مـن الاعـراب
تخيل بنت بالزحمـه افلتـت كفـك مـن ايديهـا

انا ما قلت لـك خانـت ولا صرّحـت ياطـلاب
ونيران الحشى ارض يجـي شخـص ويداريهـا

ترى لو ترتفع نـاري اقابلهـا فبـرود اعصـاب
وإذا حطيتها براسي؟! اعرف اشلـون اطفّيهـا..!!

تمادت ليـن ماشابـت احاسيسـي وقلبـي شـاب
ولين اليوم اجـي وادعـي عسـى ربـي يخليهـا

صدمتك ادري واسمعني ولا اتطالعني باستغـراب
رغـم تجريحهـا إلقلبـي مسامحها...!!ومابيهـاا

انـا لـي قلـب مايحقـد ولايحسـد ولا يغتـاب
لإن النـاس مـن تخطـي لهـا رب يجازيييهـاا

ولا اندم على البايـع ولا احـزن علـى اللعـاب
ونــاس ماتقـدرنـي اطنشـهـا واجافيـهـااا

ولا اضحك مع الجاهل ولا امشـي مـع الكـذاب
ونـاس ماتشرفنـي ... ولا ارضـى اماشيـهـاا

احب المرجله واتعب على خـوة رجـال اشنـاب
وإذا للمرجله راعي..؟!! انـا ياخـوك راعيهـااا

اوجب من يوجبني واحـب اجلـس مـع الشيّـاب
واحـب اسمـع تجاربهـم مـن اولهـا لتاليهـااا

لإنهم مدرسة.. فعل وقـوول. ومدرسـة اطيـاب
وانـا تلميـذ واتعلـم مـن الدنيـا وبلاويـهـااااا

هلا يامرحبا بهذي الرساله وصاحـب الاعجـاب
معزه صادقه جتني وانا ملـزووووم اواااافيهـااااا

عطيتك صفحه من عمري مدام ان الحيـاة اكتـاب
بعد اذنـك ابفتحهـا وابرجـع تالـي اطويهـاااااا

انا شامخ قبل يطغى الزمـان وتنكسـر ارقـااااب
تبيني انكسر بعد الجروح وبعـد ماضيهـاااا ..!؟؟


^
^
الشاعر / منيف ال روق القحطاني[/grade][/frame]

__________________
التوقيع تحت الانشار




قـالت شمالي قلت لا لا ولا لا...أنا جنوبي من شثاث الجنوب