[frame="9 80"]



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سعد بن مناحي بن شفلوت :
في مجالس عيال مضيم عد الغمام=مرحبا من هجوس دار فنجالها

يالعصيمي ترى الدعوى على مايرام=غير الايام ماتبقى على حالها
حمدان العصيمي :
في مجالس كرام وجيت ضيف الكرام = البقى والمواقف تعرف رجالها
كم معك من رصاصه ياسعد فالحزام = وصلك القوم رجليها وخيالها
سعد بن مناحي بن شفلوت :
انت عندك شهاده ماعليها كلام=غير كافيك ناقضها وفتالها

كيف تبغى الجماعه يجعلونك امام=وانت قدمك حصاة ماحد شالها
حمدان العصيمي :
الشهاده على صدر العصيمي وسام = نالها يوم بعض الناس مانالها
والجماعه بخير ولاعليهم ملام = روح زور الحجاز وتعرف جبالها
سعد بن مناحي بن شفلوت :
انت حمدان امام اوقات والا قيام=شجرة القوم مالت وانت بضلالها

كان ربك نوالك خير والحظ قام=ضاع حس القناه وشوش ارسالها
حمدان العصيمي :
الضوامي على هداج تيما حيام = حاول أنك تجر الدلو بحبالها
لاتحسب العلوم تمر برد وسلام = الله اللي يجاز الناس بعمالها

[/poem]


[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة