من عاش شاف

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اياك أنا أعني واسمع العلم يا جار= ما جيت لك عاني ولا جيت طراش
والله لو يصلاني الوقت بالنار = ما أطلب نجاتي من بليهي وعياش
رضيت بالمكتوب في سر واجهار=والحق ظاهر لو تظاهر به اللاش
قلبي دليلي يا طويلين الاعمار = ما أحكم على خافي ولا أحكم على ماش
كم ناس تظلمني على شي ما سار= وان ضاق صدري قمت أطورق من الجاش
الظلم ما هو من زماني والأقدار= حاشا وربي الظلم من سرب الأوباش
اللي ليا سلمت عاني ومرار = غصت حناجرها ورفت بالأرماش
ما أدري كبر أو كره أو جتهم أخبار=طبع الردي هماز لماز طشاش
ولكن من فضل الولي كشف الأسرار= مهما تصنع مهتوي الخبث ما عاش
بعض الخطايا عندنا ما لها أعذار= كم من خطيه وصلت قبر وانعاش
مليار لكن يا كثر عد الأصفار = أبقى الوحيد اللي عن الصدق ما أنحاش
والكير له نافخ وللمسك عطار = من عاش شاف وكل مخلاب خماش[/poem]