(قصيدة للشاعر / عـيـد بن خـلـف الـعـاصـمـي)

السلام عليكم ورحمة الله وبركاتة
اسعد الله اوقاتكم بكل خير
:
اهداء للجميع من خلال هذه المصافحة والمشاركة الاولى وهي قصيدة جـزلـة..
للشاعر القدير/عـيـد بن خـلـف الـعـاصـمـي

:

[poem=font="Tahoma,4,black,bold,normal" bkcolor="transparent" bkimage="backgrounds/18.gif"
border="none,medium,black" type=2 line=0 align=center use=ex num="0,black"]

البارحـه بالليـل يـوم اتنـزه =اخيل براق سـرى ويـن يـازي

من دون ربعي سهلة مبرهـزه =ابغي العزا عنهم ولانـي بعـازي

يا ما حلا عند اول النبت فـزه =وممشاي مع من كان للنفس جازي

ورفقات من يبغي الوناسه وعزه =خوة نشامـا تنشـرى بالغـوازي

الي اقبل الطرقي بنظوه يهـزه =كنه على البيت المثولـث يحـازي

بيوت اهلها من وراهـا بنـزه =مشيـدات فـي طويـل النـوازي

كزه ودزه واوصله في ملـزه =والضيف من طيب المعازيب فازي

يا ما حلا الفنجال في كل حـزه =في مجلس ما سفروا لـه بقـازي

واللي يسويهـا صبـي منـزه =شطر بها ماهوب خطاة الخنـازي

عجل يهلـي بالمسيـر بفـزه =ولاهوب لا خدر ولاهـو قمـازي

يا صبي كان انك تريد المعـزه =اعنز على اللي جارهم مايهـازي

جار المعزه ودك انـك تعـزه =وجار ترى جمعاه منها المجـازي

أترك صبيٍ بالبلد ضاع مـزه =بغي البلاد ومن هل البـر جـازي

يبي حضيـر بالبلـد مستلـزه =اللـي يبيعـون الليـن بالبيـازي

انا الي كل لـزي فـي ملـزه =في ما قف السفهان ما نيـب وازي

حلفت ما وافقت معهـم بـرزه =ولابالردي خايلت شبه الجـوازي

نفسي عزيزه بعض الاشيا تكزه =يا حبني لاهل النفـوس العـزازي
[/poem]
:

وســــــلامـــتـــكــم