انتم على موعد مع اولى المحاورات المباشره يوم الاثنين 29/2/1428هـ (( التفاصيل بداخل))

[frame="9 80"]

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عبدالله بن عايض الفهري
مرحبا بك يا ابن عم الشعر ما ادري يا نسيبه = قالها شاعر وله مع مبدعين الشعر جاه
قالو انك يا عميلي تلعب الحون(ن) رهيبه = قلت اجي واشوف لعبك ويش طيبه من رداه
طلال القحطاني
البقا يلي ترحب بي وهذا اكبر مصيبه =كان ما نحمي حما ليلى فمن هو بيحماه

الأصيل بتظهره يمناه ولا ما استمي به=توك الميدان والميدان يبغي له جراه
عبدالله بن عايض الفهري
الرصيد اللي ينومس بالرجل فعله وطيبه = الردى ملبوس فقر(ن) والظفر لبس الغناه
ان وقفنا ما وقفنا بين شك وبين ريبه = وان عصانا وقتنا لا والله إلا بنعصاه
طلال القحطاني
راح بن كنعان منها با دته واصبح نهيبه=وانت عقبه يا بن عايض ياخذك شيخ خذاه

ركز وهدف على المعني ترا ما اخطي الظريبه=الوعد بيني وبينك وادي شرق الغضاه
عبدالله بن عايض الفهري
بنشدك يا صاحبي عن قصة(ن) صارت عجيبه = خمسة(ن) يقضون بين اهل المعاني والدواه
ابتدا المشروع فكره وانتهى حاجه غريبه = صار جمع المال غاية مبتداه ومنتهاه
طلال القحطاني
ينزع الداين من المديون لا واجه طليبه =شايب بين الجماعه كلمته فيها حفاه

افهم الدعوا يا ابو عايض ترا فيها ضريبه=فالك التوفيق والمليون منهو اللي خذاه
عبدالله بن عايض الفهري
استغلو فزعة عيال الحمايل والغليبه = طارو الخبلان فالعجه كذا على عماه
لجنة التحكيم طاحت بين نصب وبين خيبه =والقصيد اصبح تجاره من يبيعه من شراه
طلال القحطاني
انتبه في الريع ذيب يوحش الطرقي قنيبه=شيب راسي يالعبيدي لا جهر تسمع عواه
دون راعيت الرحى ياذيب عشى كل ذيبه=جعلكم ياهل المعزه دوم في خير وغناه
عبدالله بن عايض الفهري
راس مال الذيب طلقه تحت كتفه فوق جيبه= بعدها يرتاح قلبه من بلاه اللي حداه

شايب(ن) ونقدره ونوقره من شان شيبه = ياالله ان تساعده وتجنبه ضربة عصاه
طلال القحطاني
قبر ابو زيد الهلالي رمحه وسيفه نصيبه=عشقته عليا تشق الجيب من هذي السواه

راح ابن غانم ورى ابو زيد يشرب من سريبه= مابقاله كون عنز وما بقاله كون شاه
عبدالله بن عايض الفهري
راح ابو زيد الهلالي وانتهى طيبه وعيبه =وابتلشنا في زمان الفلسفه والإشتباه
وكل رجل(ن) يجتهد وينال من جهده نصيبه = اتركو درب القصايد والله الله فالصلاه
[/poem]
[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة