[poem=font="Simplified Arabic,4,darkblue,normal,normal" bkcolor="transparent" bkimage="backgrounds/35.gif" border="none,4,gray" type=0 line=0 align=center use=ex num="0,black"]
يوم أنت ياصالح تطول الجميله = أنت وأبوك وجد جدك وجدك
عليك أبا أرمي بالحمول الثقيله= اللي ولو طال الزمن ماتضدك
يا مسندي ملفى شيوخ القبيله= أنت الذي وقت اللوازم نعدك
أنت يابو مشبب مقر النفيله = وأنت الذي يطرب نباك ومهدك
ماني بناصي بايعين البليله = إذا تكدر خاطري جيت عندك
يامنتهى الفزعة مزبن دخيله = طيبك ومفعولك وهي مردك
موقفك يكفيني ليالي طويله = الله بأسباب المعالي يمدك
خير الكلام اللي يسدك قليله = أنت الذي يطرب نباك ومهدك [/poem]




[poem=font="Simplified Arabic,4,darkblue,normal,normal" bkcolor="transparent" bkimage="backgrounds/35.gif" border="none,4,gray" type=0 line=0 align=center use=ex num="0,black"]
يامرحبا بك عد وبل نخيله = من خاطر يرفع مقامك وودك
ولاخير في اللي ماوفى مع عميله =حق علينا في اللوازم نسدك
وليا رميت الحمل نقدر نشيله = نشيلها واحفظ دليلك وسدك
ناقف معك ونعدل المستحيله= ونسير ضد اللي مع الوقت حدك
لي قصرن عنك اليدين البخيله = نجود من جود الكريم ونمدك
ونوقف مع الوافي ونشفي غليله = ونرد كيد اللي عن الطيب صدك
صداقة مثل السيوف الصقيله= تشفي يابن عصاي بدي وبدك
وقول بلا فعل قليل حصيله = لي صار مافعل الجمائل يشدك [/poem]