(( سحايب صيف ))

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
انا في حياتي شفت شيٍ بعد ما شيف= ولا كن للعالم عيونٍ تشوف بها
توارد علي اخطاء الزمن دون كم وكيف =ولا عاد به ناسٍ تشد الظهور بها
نجيب الحقايق واضحة مابها تحريف=وناسٍ تصدقها والاخرى تكذبها
ولا في زمنا غير روادة التطفيف= تنقص حقوق الناس والا تعذربها
ولا من بغيت تقول حقٍ بدى التصريف=تصرفك لين الناس تبدى تجنبها
من العام والعالم عليها (سحايب صيف)=بروق ورعود تهز مجمل سحايبها
أخيل البروق ولا امطرت والزمان مخيف=بروقٍ سناها وسط قلبي معذبها
اثرني احسبه صدق واثره سراب وطيف=يخيل على عيني علومٍ محسبها
سرى الليل والهاجوس له ماقف التشريف=اعد البيوت وهاجس الشعر يلعبها
سريت بخيالي من على شامخات النيف=سريت إمتقدي للجبال ومراقبها
اغني ولي منهج مع القاف يا أهل الكيف=وأنيش على الاهداف واسبر مضاربها
واحسب حساب العرف واهل والمعاريف=واقدي خطا رجلي ليامن مشيتبها
واحسب حساب الربع حز المواقيف=وأدور على نوماس ربعي وافوز بها
ولا جا مجالي جبت جزل المحاريف=اعرف الخطاء والصح وادرس عواقبها
ولا لي مع اهل الغي والكذب والزيف=دروب الرذيله ماتشرف فلا اقربها
حريصٍ على خوة رجالٍ عواريف=رجالٍ على العليا تفتل شواربها
رجالٍ مقاصدها رفيع المشاريف=توارد على حوض المنايا وتشربها
هذا علم والايام فيها صواديف= عسى الله يكفانا اليال ومصايبها[/poem]

للإستماع والتحميل هنا

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة