أذبحوني يآل مرّه واستبيحوا دمّي

قصيده ابدع فيها الشاعر محمد بن الذيب

ويقول الشاعر :

[poem=font="Arial,4,#0000ff,normal,normal" bkcolor="" bkimage="" border="none,1," type=0 line=1 align=center use=ex num="0,"]
ياحسن من عادني طفلٍ مانيب أسمّي=معظم الأشياء باسماها وقدني صيّه
كل ماقالوا عروبه قمت أشمّر كمّي=العروبه سوقها طايح على ربيّه
اسمع بقومية معمر وذبح الذمي=لكن الذمي بخير وماتت القوميّه
بس أنا من هل قطر ولاني بمهتمّي=لي مع بوش الابن علاقةٍ شخصيّه
عندنا أكبر قاعده تشرب ذحاح السمّي=يعني امريكا خويتنا ماحن بشويّه
أي واحد منكم يحاول يفوّر دمّي=والله ان أعلّم القوات الأمريكيّه
مشكلة شاعركم انه مايخص يعمّي=تختلط الأفكار والشرهه على النفسيّه
ابردي يا لهفة الجمهور ولا حمّي=مستعد أضحك الجمهور في مرثيّه
وياهجوسي نمّي الفكره وانا بنمّي=دهشة الجمهور من تركيبة القافيّه
من ثمان سنين أبغى اكتب قصيده فأمي=بس أخاف الرجال تقول وش داعيّه
وانته جنوبك كبار وعظمك الملتمّي=مايساعد هيكلك أصلاً على الحنيّه
لين مرّه من حد المرات لدّت يمّي=غترتي في حضني ومدري وين الطاقيّه
قالت محمد وقلت عروق قلبي سمّي=قالت محمد وقلت العز ياطاريّه
قالت العجمان لو تطمع بشربت دمّي=وش تسوي وانت عجمي في امك المريه
قلت لاتموتين والا مت شيلي همّي=يافديت رجولش الثنتين يارهابيّه
دوريلي ثار مايمتد لابنا عمّي=ماهيب لحية بني عمّي قالت لي هيّه
انحري عوج الضلوع الكايدات وزمّي=واسكني قلبي بحد السيف والشبريّه
وخلّي اذنش ثابته واللي يسولف فمي=والله ان اذبح من العجمان لش عجميّه
ويمكن أطلّع ابي من قبره المنطمّي=وأذبحه تسعين ذبحه بالدموع الحيّه
أذبحوني يآل مرّه واستبيحوا دمّي=والله ان اموت وانا احب لي مريّه
لاحدٍ يفهم خطا ترى القصيدة في أمي=قلتها وانا حزين وجت تلقائيّه[/poem]











أخوكم : الحميداني

__________________
[line]


[line]