السلام عليكم ورحمة الله وبركاته


وارجو تقبل هذه القصيده المتواضعه وارجو ان تحوز على اعجابكم



[poem=font="Traditional Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الله خلق خلقه بحسبه وترتيب = بعض العرَب يفرض عليك احترامه
من عاش في الدنيا يشوف التعاجيب=أحدٍ سديد الراي واحدٍ هلامه
وأحدٍ ليا احتجته بيوم المصاعيب=زودٍ على العزوه رمى بالعمامه
وأحدٍ ليا احتجته بيوم المواجيب=دنـّق براسه مثل راس النعامه
وأحدٍ لو انه امن الادنين وقـريب= يسقى ليا فارق جهامك جهامه
ينزاح همي يوم أذبّ العراقيب=في خايع ٍ ما جف ماطر غمامه
قفرٍ خلا مابه سوى شمّخ النيب= ويتلّ قلبي فيه صوت الحمامه
أرتاح من ناس ٍ تحب العذاريب=أهل الكبِر والزود واهل النمامه
والكبر للرجّال عيبٍ من العيب=علامةٍ يا شينها من علامه
سوٍّ على الأدنين.. ريف الاجانيب =يغث كبدك لا تزايد كلامه
كنـه يتغصّب لا ظهَر منـه ترحيب = يظن كل الناس ترجي سلامه
ما يدري ان بالوقت دورة دولايب = ما شيّ في الدنيا يطوّل دوامه
ان ما لفاه الموت ياتي له الشيب =أمرٍ مقدّره الولي في نظامه
نهاية الإنسان حفره من الغيب = أمّا شقى والاّ سعَد في منامه
وبكره ينادى عند فك المطاليب=ويلقى الجزا الوافي بيوم القيامه[/poem]



مشهور الهاجري



وسلامتكم

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]