[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

بعد ماسرا البارق وفكري معه رحال=تولع به الهاجس وفكري تسلابه
صدى ماضي الذكرى على خاطري مازال=يداعب خيالي وان طرا يشعب اركابه
مقام اللوفاء ومجالسة طيبين الفال=تراها تزيد العمر والطيب نشقابه
سواليفهم فيها نوادر حكم وامثال= ومنها اقتبس علم الرجاجيل طلابه
تراحيب شبة نار علم(ن) وصف دلال=وكيف النشاما يجلي اعماس شرابه
تدور الدلال وساعة البسط سجة بال=وكل(ن) يكن الطيب والقدر لاصحابه
معا العود الازرق كيف حالك وطاب الحال=على مجلس(ن) راعيه يضحك لك احجابه
شيمهم تشوم إمن النميمه وقيل وقال=ولا للردا والزور طاري ولا جابه
نقا الصدق مبدا والصراحه لهم مدهال=ورسول الهدايه حسن الاخلاق وصابه
وهذي علوم الطيب ولا الردي ماطال=عديم المروة طبعهم ماتحلابه
ومن عادته مافارق مجالسة الانذال=لهم مجلس(ن) ما يربح اللي تهقوابه
سوالف دنيه والنميمه لها شيال=وكم عرض مستور(ن) قفاه وتحكابه
ردي(ن) هل الشيمه يعدونه الفنجال= بخيل(ن) شحيح ضيفه امسى ورا بابه
صحيح ان جليس السؤ ماينحسب رجال= وكل(ن) على طبعه وساسه ومرتابه[/poem]