[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
في بادرة أنسانية من الشاعر الكبير / = سعد بن عبدالله بن شفلوت المناديه
وذلك لحث الخير والسعي = في الصلح واصلاح ذات البين [/poem]


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
من خلال القصيده الرائعة التي بعنوان = ( تكفى يابن عبدان )
ولقد تم نشرها عبر ديوان صوتي = والأن توزع في المكاتب الشعرية والصوتية ...[/poem]

ونذكر لكم كل ماقيل في حول هذا الشأن

بحديث شاعرنا سعد بن شفلوت من مقدمه وقصيده .... و يقول

بسم الله الرحمن الرحيم[/center]

[poem=font="Simplified Arabic,4,seagreen,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
هذه القصيدة كتبتها لعل الله ينفع بها وهي عبارة عن = (نخوة في ابن عبدان السريعي وقبيلة آل السريع خاصة
وقبيلة قحطان وقبائل المملكة عامه) تحثهم على فعل الخير = وذلك في قضية (الدم) التي بين آل عبدان وآل معيض
من قبيلة آل السريع أثر خلاف بينهم سببه الشيطان = أعاذنا الله وأياكم منه ومن خلال جريدة زوايا اناشد
الشيخ/ محمد بن صالح ابن عبدان السريعي = والشيخ/ علي بن معدي السريعي
والشيخ/ ناصر بن شايع السريعي = أن يعفوا عن القاتل وأن يحتسبوا الأجر من الله تعالى
في يوم يتبرى فيه الولد من ابنه والابن من أبيه = جعل الله ذلك في موازين حسنات من عفى واصلح
وسعى بين الناس بالخير انه القادر على ذلك.= [/poem]


[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
على الله نبتدي والمبتدى له=عليه المبتدى والمنتهى له
عليم ما تخفيه السراير=مفاتيح الفرج بيده لحاله
هو اللي لا شريك له بملكه=وهوهو الكامل ولا ننكر كماله
ليا منه نوى قوم ابتلاهم=يشوف الصبر فيهم كيف حاله
يجازي من صبر منهم بصبره=ومن عاف الصبر منهم شكاله
لمنها ضاقت الدنيا بهلها=طلبنا فزعته جل جلاله
تسابق رحمته قوة عذابه=لا حب الادمي جاب الدعاله
اساله فالهداية جل شانه=واساله يغفر ذنوبي واساله
يقديني على الدرب المقدا=على درب الشريعة والعداله
على درب مشت فيه الصحابه=بعد جاهم رسوله بالرساله
صلاة الله على محمد نبيه=وعلى صحبه وأتباعه وآله
نظمت القاف والمعنى بريده=وقاف دون معنى عزتاله
صعا طيري على نظمه حدتني=وهذا وقته وهذا مجاله
كتبته والحبر من دمع عيني=وضيق بالي وضيقت باله
كتبته لجل وجه الله تعالى=ابي منه الثنا دام الثناله
ولا لي فضل في بدعه ومنه=ولا عندي لحد كبر الخلاله
لا يا منه بدا اللازم بدينا=بدينا من مهلّه لي هلاله
نسوق الرجل له سوق المطية=لو أنه في حقل ولا صلاله
على طيارة ابن سعود والا=على جيب جديد من الوكاله
على وضح النقا ناخذ ونعطي=طبيعة من على وقت الجهاله
لنا وجه طليق ومدّ وافي=ومن وجهه بدا وجهي بداله
جزعنا فالصغيرة والكبيرة=وقبلنا وحن قد القباله
صبرنا فالبلاوي واحتسبنا=وشربناها مثل شرب البياله
وكل فيه من الاجواد حقه=بقا له فالوفا دور ومضا له
فكم من واحد يشلع ويرقع=ويرفاها قبل وقت الخماله
وكم من واحد يبلى ويجزع=جزع سيل تحدر من جباله
وكم من واحد يفزع وينزع=وكم من واحد ماله ولاله
مثل جبر الظهر يعرف طريقه=ولا يعرف يمينه من شماله
يشب الفتنه ويجمع حطبها=شعمها من ذباله في ذباله
بغيض ما يداني وجهه ادغس=حكا لفلان وفلان حكاله
عسى الله يقهره ويسد حلقه=ويجعله له على فمه شماله
ألا تكفون يالاجواد قوموا=مقام ينعرف جدّه وخاله
مقام ما يجيكم بالملامة=ولا يلحق ذراياكم وباله
قضية وانتو اخبر مني بها=ورى البيبان رجل ينعناله
مقيد بالحديد وبالسلاسل=سجين ما يطلَّع بالكفاله
على موته رفيقه شاب راسه=وشيب عارضه وانسل حاله
رمت به قدرة الله في كنفها=وهو سالي عن القدرة وداله
حصل له رمية من غير رامي=وجر اله فابن عمه ما جراله
وجات القاضيه من غير مقصد=وعظ الخمس والعشر وبكاله
ولا له من قبل فالشين طاري=ولا للشين طاري في خياله
وهو واياه ربع وشي واحد=على ميل الدهر ولا اعتداله
الا يا هل الوفا تدرون منهو=قبل للهرج ما يكثر جداله
هو مفرح بن دليم السريع=جبين الحر والحرَّة نداله
صدر حكم القضا الاعلى بقتله=وحكم الشرع لا حكم بداله
وابن عبدان ما يرخص علينا=قبل ما قوله المسجون قاله
عساه بجنة الفردوس ينزل=مع الابرار مثواه ومآله
لاشك اللي حصل شي مقدَّر=وشكوى العبد لله واتِّكاله
الا يا هل الوفا تقُّو ووقوا=ورى الربعان عذّال وعذاله
مواقفكم تجرّيني عليكم=اعنزها عليكم للثماله
دعا داعيكم ونادي المنادي=تداعوا واستجيبوا للنداله
يدين الله مع يدين الجماعة=عسى الله ما يخيب من سعاله
فابنخي وآتعزوى وآتشره=على الغالي وآكب أهل النغاله
ابنخا شيخ قحطان العريبة=من ايام الجهالة واللوا له
فهد عبد الله بن دليم الاصوك=تولاها وهي قد الولاله
الأمور زمامها يقدر عليها=عسى الله ما يعجل في زواله
نخيته يوم هو قد المهمة=وشيخ لا رتكا للحمل شاله
مقرب والمقرب له مكانه=يسهلها ولو ما هي سهاله
وأبو خالد من رجال المواقف=عساه فداه كساب الفساله
بعدها بانتخي فأهل العزاوي=صغير السن والعود الهلاله
ابنخى أهل الوفا الأدنى فالأدنى=تعدي الأقرب للأقصى ضلاله
ابنخى بوي قبل انب غيره=ابن شفلوت له قاله وطاله
كبير الربع حلال الصعيبة=لمنه ميل الحمل ارتكاله
وابنخا لابتى صبيان مندي=هل الفزعات ورجال الصماله
رجال تعقد الحبل وتحلّه=لياركب الرشا فوق المحاله
وابزهم في بني طلق بن حارث=وابنخا شيخهم علي بن جلاله
على الفزعة تقول انه مبشر=لوان اللازم بعيد دناله
بني طلق العصاة أهل الحمية=سلالة وانعم بها من سلاله
وبازهم فالعليي والزهيري=وفابن جراب يفعل ما طراله
وابن دشان وقشيم ابن وعله =وأبن مسرع ينابيع الجزاله
وابزهم فآل سلمان ولواها=ابن مسعود برق في خياله
وأبن جافل وربعه وأبن نوره=حداها الواجب وهي تنحداله
وابنخا شيخنا مقدم عبيده=أخو رثعا لياردَّ البراله
مناحي سيل فزاعات نحاوي=الاياحي وأدي انتحاله
ابن شفلوت شيال الثقيلة=يقود الخير والخير اقتداله
وبنخي بن شري وآلاد مسرد=جمل رجل المواقف جمل حاله
وبزهم في عجب قحطان معجب=طويل ذراع واطول صيت طاله
وابن صبحية وابنخا القوافل=قوافل مرجلة تأتي زفاله
وبنخى بن جليغم والجهيمي=رجال جرفهم ماهو هياله
وبزهم في بني عم ابن ريفه=خوي الذيب رمَّاي العشاله
وحناش العبيدي وابن نومة=دهاة تزهل الماقف زهاله
وبازهم فآل ماهد وابن جرشب=صناديد الرجال أهل الزحاله
وبنخى في ولد حارث جميعا=هل الطالات كل من قباله
وابن فردان واخوانه وربيعه=لهم فالماقف الصارم نزاله
وبنخى ال الصقر وانخى ال عابس=وصبيان ال بسام الشكاله
وفابن راقع وفابن سليم بزهم=قراح العلم لازاد اشتعاله
وبنخى الشيخ قبلان الصتيمة=وابن كدم الوفي وازهم رجاله
وابن دحباش والقنطاش عايض=وأبو دبيل كل في مجاله
وبزهم فابن شافي والهواجر=مزبنة الجلاوي لا محالة
رجال فعلهم وصل الثريا=الأرض يعدها أرضه والسما له
وبنخى من يقول أني عبيدي=وبزهم فالحمالي من حماله
عبيده فعلهم عدا النوايف=وعلى سطح القمر نوّخ رحاله
على العايل مضاربها عطيبة=مثل بحر صفق جاله بجاله
وابزهم في شريف أهل الحمية=رجال تكلة وقد التكالة
وبنخا بشر بن حرب العوادي=من العسران ليا قرية حماله
وبزهم فابن ثقفان الموالي=ليامنه ولاك الضيف واله
وفا ابن مباري أصوّت وأنادي=علومه غانمة والطيب فاله
وأبن عامر وربعه كلبوهم=رفيدة رفد بر ينغزاله
وبنخى أل الشواط أهل الجمايل=على الحرّاب تنكيل ونكاله
وبنخى أمير قحطان وذراها=صليب الرأس ربعه في ظلاله
أمير له مواقيف ومهابه=صتيمة ماحد ياقف قباله
وبزهم فيه وازهم فالجحادر=لهم تاريخ قد كل قراله
عمى عين العدو ربع ابن هادي=ذخيرة حية وجمر كلاله
خذوا نجد العذية بالسواري=بلا شيك وبليا كمبيالة
وبنخى بن حشر شيخ ال عاصم=مواقيفه لها عندي دلاله
نهار الهوش يوم الحرب قايم=وابن جروان فكه يوم جاله
وبنخى وازهم العمّاج لته=ليامنه احتمى العلم احتماله
وبزهم فابن لبده وانتخيبه=عقيد لنثنى العلم أنثناله
وبنخى الوافي ابن سحيم عايض=وأخوه بداح عطرين المقالة
ريا جيل مواقفها تشرف=ليا كبر الخبر واضفا سداله
وابن ظبيه كريم ولا يخلى=تخالف توضيفانه دلاله
وابن سفران وابن حويل لابة=رياجيل على الفزعات تاله
وابزهم في سعد شيخ ال عاطف=وناصر بن مريحة يلتجاله
وابن عبود حماي الدبيلة=وابن هدلان تاريخه بناله
وابنخى شديّد الهماش يفزع=يمينه ذربه وذربه فعاله
وبنخى وازهم الشيخ ابن وازع=علي يوم اعتلا الصوت اعتلاله
وابنخي الدسم كان الدسم يسمع=مدسِّم شارب الضيف أن لفاله
وابنخى القرم عمار الضويري=لوا يلوي عدوه والتواله
وابنخى الموت سنحان بن عامر=عجب عين المجنّا وابتهاله
ابن راسي وابن دلبوح ونعم=وابن فزعان نومه ماهتناله
وبزهم فالحباب أهل الفعايل=صعاطير الظفر في كل حاله
ابزهم في سعد شباب ضوّه=ليامنه لفا الضيف احتفاله
وعلي ابن جراب والشيخ ابن فجعة=وابزهم في دخيَّل زان فاله
وابن مهمل وابن زهرة جار الله=لهم بين العرب قيمة وناله
وابن كردم وابن مفتاح مبجر=وابن مقرح لما جا العلم جاله
وبزهم فاللوا حسين الحبابي=شديد العزم والباس ارتخاله
وابزهم كل من قال قحطاني=يشيل اسم قحطان والاسم شاله
وابنخا وادعه وآصيح فيهم=ابن كعبان له وقفه وهاله
مقدم وادعه حماية الحد=جبل ظهران عدَّوا في طواله
وابنخى حلفنا يام الصتايم=وهم ساس الشهامة والنباله
ليا حمي الوطـــيس ووصل حده=عليهم نقظ حبلة وانفتاله
وبزهم فابن حثلين المسمى=عدوه بالسيوف الجرد زاله
ابنخى الشيخ بو ساق المحنّك=عريب الساس كساب النفاله
وابن جوخه وابن عوام صالح=لهم فالماقف الغصاب قاله
وابن قروش له عزوم تسوقه=لياجا صوت ناخي انتخاله
وابنخا شمَّر وبنخا شيوخه=وبنخا بن علي وانخا الطواله
وبزهم فالشريم وفي ربوعه=وفالجربا وفعله وانفعاله
وبنخى الحرّث رجال المهابة=ليا عالت يصير الحف عاله
وبزهم فالخوالد والعرافا=وبنخى بن عرير جعلها له
وبزهم زعب حيث انهم عواني=على الناموس ما تاخذ دلاله
وبنخى شيخ شهران العريضه=يعرف العلم والعلم استواله
ليا طمع العدو والفوا جموعة=عليهم حرق كبده واندباله
وبزهم في عتيبة وانتخيهم=رجال ما يعرفون الدجاله
توقف ما قف صادق وتصدق=ترد العايل اللي به عياله
على ابن حميد باسوق النخاوي=امير فاللقا يرخص حلاله
وبازهم فالفهيدات الضواري=تسوق الرِّجل يمه وتحفاله
وابزهم في رباعين وهياضل=تعرف العلم حرمه من حلاله
وابنخى الضيد وابن خزام وانخى=ابنخى بالعلا دام العلا له
وابنخى الشيخ غزاي الذيابي=وعيدان العصيمي ينعدى له
وابزهم فالدواسر كلبوهم=عسى ابن قويد يفعل مابداله
مقابيس الظلام آلاد زايد=تضد الضد وتطير هباله
وبزهم فالدويش يقوم معنا=مادام الصيت صيته والنبا له
امير مطير حمران النواظر=توقع حفها من وقعها له
وبزهم في بو ثنين السبيعي=وربعه وابن شوية وارتجاله
وبنخا الشيخ ابا الروس القريني=وربعه تحتيميبه وتحماله
وبزهم فابن الاسمر وبان الاحمر=رجال ضيفهم ماحد يساله
وابنخى الفرم وانخى حرب كله=وفابن هديب وحجاب بجاله
وبزهم فالعنوز وفالعواجي=واحيل الوضع للشعلان احاله
وابزهم فاكلب القوم العريقة=رجال واصله حد الرجاله
وبزهم في عسير الهول وازهم=بني شهر وعمر وأهل تبالة
وبنخى غامد وزهران تاقف=وابيها تتخذ لجرا حياله
وبزهم فالسهول وفالشراري=وبزهم في بلي رمز الاصاله
وبزهم في سليم وفي جهينه=وقوم هذيل مافيهم ذلاله
وابزهم فالبقوم السيف الابتر=بريع قاسي الروس انحناله
وبا القرن وبني خثعم نشاما=جبل ما حركه هب الهواله
وبنخى الصيعر وماشن فيها=تعرف العلم نقصه واكتماله
وبزهم خنذف وبزهم شبابه=لها مرسى مثل مرسى جباله
وبنخى كل شيخ وكل عارف=أسود الغابة شبول الشباله
وابزهم وانتخى كل القبايل=هل الميقاف شيله وانتشاله
وابزهم كل من رجله تشيله=يجهّز خيله ويشعب جماله
فلاكل ليامنك نخيته=قضى لازمك بالين انقضاله
ولا كل لما شمر بثوبه=يجيب المسك من دم الغزاله
ولا كل لما جرح ابن عمه=يداوي الجرح ويجيب الدواله
ابيكم يامداغيش الجزيرة =بلا تفويض وبليا وكاله
ابيكم ياذرا النخوة وأهلها=معي في دق الأمر وفي جلاله
أبي وجه الفتى منكم وجاهه=وحيله كل وحاله وماله
وابي جاهيته عند الحكومة=وابي محضاره ولابغى اتصاله
وأبي الرجال عن عضده يشمر=يحذف شماغه ويحذف عقاله
نبي ننخى الرجال أهل الشهامة=سمان الهرج يكرم عن هزاله
وعدنا كلبونا فالمحارث=ومنها للقعم وبلا دلاله
ديار ال السريع السيف الاملح=ديار أهل الحمية والبساله
رجال يجفل الحراب منها=يصيبه من مقابلهم جفاله
جنابيها توقع فوق عينه=ولا ترضى بغدره واغتياله
ولدهم فاللقا ينطح سرية =بعيدة هقوته بعد المدى له
حموا في السوق بخشوم البنادق=تقيل بالعدو قبل القياله
حموا دعوى المحارث واحتموها=على الانضار قاموا باحتلاله
الاتكفون يادعوى ال زاهر=رجال عارفه كيف المقاله
تروا ما للنسيب الا نسيبه=ولدنا يفتخر وانتوا خواله
نسابة والنسب يعطي حقوقة=وذيب يعوي وذيب عواله
ال تكفى يابو سالم تولم=وشد الحيل يارجل الجماله
وبزهم فيك يا منصور تفزع=شر محمد على العليا وماله
الا تكفون يا دعوى ال جابر=ملاذ اللي زمانه ماصفاله
ولدكم يزهم وينخى وينعا=قعود بارك ثنوا عقاله
تردت شيفته وانهد حيلة=يعد ايامه ويحسب لياله
ولاله غيركم من بعد ربي=يفرج همه ويدرك مناله
الا تكفى ياعلي ابن معدي=ياشيخ تنجي الغارق حباله
وصل علمك وذكرك كل ديرة=ولك يمنى تميز بالخطاله
الاتكفى يابن شايع ياناصر=ياريف الضيف يا مصخى رياله
زبون الجاني اللي زلت ايده=ليامنه رسى الماقف رساله
وبازهم وانتخيبك يامدواي=ومثلك بالوفا تكرم سباله
وابزهم فيك ياسعيد ابن شايع=طويل الباع عدال المياله
شديد الباس فكاك الجهامة=روى الضامي وقطاع الضماله
وابنخى الوافي ابن سعيد سالم=عطاشا العلم تشرب من زلاله
وابزهم شايع وشايع سنافي=زميل ويعرف حقوق الزماله
وبزهم فيك ياعطاف وانخى=ومثلك صامل العلم احتصاله
وبزهم فآل عبدان الدواهي=هل الوقفات ورجال الشكاله
وابزهم فيك وانخى يا محمد=صميدع راس لك طالة وقاله
على درب السموحة حث جدك=ترى من قدم المعروف ناله
الا تكفى يابن عبدان تكفى=ترى تكفى تهز أهل الجماله
الا يافزعة اللي طاح حظه=برى الهوجاس حاله وانبراله
تجبر بالله وسامح رفيقك=عليك الباب فتحه وانقفاله
ترى عتقه بعد ربي بيدِّك=وفيه اجر كثير من خلاله
ترى الرجال ما يقتل رفيقه=ويدمح فالخطا لو الخطاله
وترى سرحان ما ياكل ذراعه=ومثلك يا محمد ذي خصاله
ترى الدنيا على خبرك دنية=لها في كل يومين اجتواله
تجمل في مفرح يا محمد=جميلك فيه كنّه في عياله
دخيل أمك وبوك تفك قيده=يقضي من حياته ما بقاله
تجمل فالقبايل كلبوها=تجمل ظلك الله في ظلاله
جميل يالسنافي في محله=نهار الحشر عند الله تناله
حياة دون فزعات وجمايل=مثل عدِِّ خبص عذبه حثاله
وأنا ادري أن فيك دين وفيك تقوى=وعلى العلم العلا عندك عجاله
عساها في موازين حسناتك=ليا كل تبرَّى من عياله[/poem]


[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
الشاعر الكبير وشاعر مجالس قحطان الشاعر = سعد بن عبد الله بن شفلوت المنادية[/poem]




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
تقبلو تحية = أخــوكــم
بن غفره = [/poem]

__________________



ممصمنا المبدع
تركي العلياني
ألف شكر لك