السلام عليكم ورحمة الله وبركاته

هذي القصيده قالها الزيناتي في بو زيد الهلالي وقومه يوم غزوهم في قابس اللي روى لي السالفه والقصيده يقول أن قبيلة قابس تقع في المغرب وليست في تونس ( ومن كان لديه أي تصحيح مؤكد فليشاركن به ويفيدنا )

طبعاً كان من عوايد بني هلال قبل الغزو يرسلون بو زيد يتفحص لهم القوم الي بيغزونهم وش رجالهم وش حالهم وش حلالهم , راح بو زيد متنكر كعادته لقبيلة قابس , الزيناتي فارس صمصوم ومحنك شك في وضع بو زيد قام وسجنه لين يتأكد من علمه , قامت بنت له يقال أسمها( صفيرا) والبنت شويرت بوها وياخذ شورها في كل شي , البعض يقول أنها عرفت بو زيد وحبته والبعض يقول غير كذا , وشارت على بوها بأن يطلق العبد ألي هو بو زيد بحجة أنه عبد ولا يوجد أي داعي لحبسه , طبعا ً أطلقه الزيناتي وعلى ما يقولون (قلبه ما ريحه ) في ذيك اليله الي أطلقه فيها حلم في منامه بأن فيه سحابه جايتهم من المشرق تمطر عليم شوك السحا ويطلقون على الشوك السحا ( بلنزا ) بلغتهم , وفعلاً صبحهم بو زيد وقومه صباحية جمعه وجلوهم جل وخذو حلالهم ومالهم وذبحو من رجالهم , نجا الزيناتي وقال هذي القصيده الرائعه أرجو أن تنال أعجابكم كما نالت أعجابي , والقصيده أيضاً غير وافيه ولاكن بأكتب ألي أحفظ :

[poem=font="Simplified Arabic,4,royalblue,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
يقول الزيناتي والزيناتي خليفه=نفس الفتى لا بد لها من زوالي
حلمت لامنه ناشي من الشرق مزنه=تمشي كما شوك البلنزه خيالها
مشت خميس وأمطرت يوم جمعه=هلت على قومي مقدم أفعالها
مطرها الصبايا والسبايا وبرقها=سيوف تلضى في يماني أرجالها
ياليتني ما صرت شيخ لقابس=وهني نفس ما عليه ولا لها
وهني نفس ما كلت مال مسلم=ولا خلطت مال اليتمى بماله
وبلادي زينة الماء مريفه=مدعوجة بالنيل تندى جبالها
حساس عن الرمضا دكاكاً عن الحصا=والبق والبرغوث ما جا في جالها
شارت صفيرا يوم شارت ببوها=ولا بنت الا فبوها دلالها
تشير بطلاق العبد الحبيسه=وثر عبيد القوم حمال أثقالها
يشل الدلي يوم تمتلي شل الدمي=يعيا الزعاب عن شلانها
سيفه تبايع به صناع دمشق=اليا ولا جمجمة الراس قطافه
وأنا أشهداً له في ربع هدته=ثمانين رجالاً من قومي يتم عيالها [/poem]


وسلامتكم

( من كان له تصحيح لا يبخل علينا ومنكم نستفيد )

أخوكم بن وعله

__________________
سبحانك اللهم وبحمدك أشهد أن لا آله ألا أنت أستغفرك وأتوب اليك