[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
خولان بن عامر
سلام رديت طيبها فاحي =مخصوصة لنداوي وزواره
من شاعر تطربه زين الالحاني= يحرص على الطيبه ويتمناها
****
يا سعيد يا سعيد نصف العمر راحي= والشعر ذا الوقت ياكثر شعاره
يامكثر البيع في السوق مجاني= كم سلعةً رخص في السوق مشراها
سعيد ابو ديه
حي الله الشاعر المبدع الصاحي= اللي على الراس والعين مقداره
يستاهل القدر والطيب خولاني= في وقفة(ن) كل شاعر تمناها
****
اليا حسبنا الخساير والارباحي= نتعب ونشقا وليام دواره
ما يدري افلان وفلان وفلاني= ولا انت تاصل لها وتعداها
خولان ابن عامر

الفقر ذباح والجوع ذباحي =والجاريالحازبي نسي من جاره
افلان ما عاد يدري عن الثاني =والناس قامت بعضها تعشاها
***
ماغير في ايدي عصاتي ومسباحي =واحيان اشخص بمشلح ونظاره
وامشي ورا جرة الذيب سرحاني= واسوق رجلي على الرجم بخطاها
سعيد ابو ديه

لليل ستار والصبح فضاحي =والعز ماعادبه غير تذكاره
ون جيت ابا اصد ياعود مامداني =ولاانت عديتها وتعداها
***
واسمر معا الليل والبرق للي لاحي= هايم ولافكار بالحيل محتاره
وادرا على شيمتي واحفظ الساني =واحسب حساب العواقب من اقصاها
خولان ابن عامر
الصبح فضاح والليل سماحي =والليل ياقل من يعرف اسراره
لاعاد تزعل وترضي على شاني =الناس يالحازبي ما اصعب ارضاها
***
متى على الله يجي يوم الافراحي =وتشوف عيس وعوده ومزماره
واقول وتقول ليحي وليحاني =في لليلة يطرب العين مسراها
سعيد ابو ديه
الفكر لاصار ماهو بمرتاحي =يسري به الهم ويطول مشواره
والصبر حكمه وفي بعض الاحياني= يابعد قاصي المسافه من ادناها
***
من لامني فيك ياعله الماحي= ياشايب (ن) كلنا ناخذ اشواره
وانا ادري انك بلاشك شفقاني= ياكبر فرحتك ياللي تمناها
خولان ابن عامر
ارتاااح والمووت قباض الارواحي= كم واحد مات ماولعت ناره
لابد لابد مالموت عزراني =واللي يدور عليها بيلقاها
***
اللي يهاوش ولاعنده سلاحي =يمكن تجيه المنيه وتختاره
ابوك وصاك وابوي وصاني= لاني بناسي ولا انته بتنساها
سعيدابو ديه
من طب في البحر ماهو بسباحي= ضاعت علومه ولامواج غداره
واحداث الايام بشكال والواني= والنفس في دبرة الله مولاها
***
كبوة جواد(ن) عثر مير ماطاحي =غدابه الحظ والوقت واقداره
رسالة جات من غير عنواني= واللي قراها ما يدري بمعناها
خولان ابن عامر
بلشت مابين كبتن وملاحي =خرب المدرج ولاجاه طياره
ماعاد حصلت خاتم سليماني= وبيوت عاد بن كنعان شفناها
***
انا اشهد انك طبيب وجراحي= ياشاعر يبدع الشعر بافكاره
لاهنت ياسيعد والقاف لاهاني= في لليلة والقمر في محياها
سعيد ابو ديه
الادمي بين مسرا ومرواحي =ومافيه نفس(ن) على الغبن صباره
وانا اخبرك قدها ياكحيلاني= واهل النميمه عسى الله يبلاها
***
مادام سدك يابو زيد ماباحي =خل الزمن تصفق ايمينه ايساره
حجه ومن غير شاهد وبرهاني= ماقرها الدين والشرع ينفاها[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]