المقادير

الاخوه اعضاء وزوار هذا الصرح الشامخ

هذه مرثيه في اخي محمد الله يرحمه ويرحم اموات المسلمين

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]



البارحه ليلي توقف عن السير=حزين وعيوني تهل العباير

ليل قضيته بين هم وتفاكير=والقلب كنه فوق حامي السعاير

كنه يقطع بالسيوف البواتير=فرقا محمد ولعت بالضماير

ياليتني في حفرته وانه بخير=عز الله اني ذقت مر العزاير

او ليت ربي يوم ساق المقادير=ان القدر عن تاج راسي مخاير

وليت العمر يهدا من الشخص للغير=بهديه كل سنين عمري بشاير

هم وطاني ما وطى سالم الزير=ولا وطى اللي يسكنون الجزاير

ياموت ليتك شخص والله لا اصير=لا اصير لك ضد يبيح السراير

وابيع عمري ماحسبت المخاسير=عمر بعد فرقاه ذاق الحساير

ياوجد حالي يوم وقفت انا عصير=وقفت عند الدار والدمع حاير

دار بها ذكرى زبون المعاسير=ذخري اليا دارت علي الدواير

واقفيت وبقلبي سوات الشناكير=وجريت ونة من عظامه كساير

عسى على قبره تهل المزابير=ويصير قبره بين روض وخباير

وينبت على قبره ورود ونواوير=ويدخل مع الابرار دار الستاير

واختامها واعداد ما يكفخ الطير=واعداد من جاء البيت طايف وزاير

صلوا على اللي سيرته كلها خير=اللي موضح سنته والشعاير[/poem]