الأخوة الأعزاء
أدناه مصطلحات لا يعرفها الهوامير إنما يعرفها الطفارا ههههههههههههههههههههههه



1-اخر الشهر
2-نبي نسوي جمعيه
3-الحد الائتماني
4-متى الراتب
5-ذبحتنا العنايا
6-طار الرز
7-نفربخاري
8-سندويش فلافل
9-متى ينتهي قرضي
10- تسلفني لاخر الشهر
11- حولي
12- عندك حساب بالراجحي
13- متى ينزل تداول اعمار اوجبل عمر
14- معك ولاعه
15- التلفون يخرفش
16- كم قطه الاستراحه
17- والله ماتدفع
18- اذا نزل سعر n95 نشتري
19- ابي دوره
20- ابي انتداب
21- ذبحونا الشريطيه
22- كم رقمك بالصندوق العقاري
23- كم كيلو ماشيه سيارتك
24- اقطع لي من العلك
25- مضغوطين هالشهر
26- ماتخبر واسطه
27- معك اشتراك ( السياره طفت بي)
28- يقول لمحطه البنزين (عبي عشر ريال)



واللي عنده مصطلح آخر يقوله لا يبخل علينا

__________________

الله يرزقنا من فضله

ولكن تلقى الطلاقة والرجلة عند الناس البسيطة

وتلقى البخل والدناءة عند كثير من الهوامير

__________________

ارحب ياب دغيم


وش هالمصطلحات ما أعرفها ؟؟

:-)وش

__________________

اقتباس:
المشاركة الأصلية كتبت بواسطة فارس قحطان
ارحب ياب دغيم


وش هالمصطلحات ما أعرفها ؟؟

:-)وش






تكفأ يا أبو مسفر

شوف إذا تبغى دورة لتتعلم هذه المصطلحات

بنخلي بن دغيم يقدم الدورة ولكن تراها برسوم وليست مجانية

ادفع واحضر الدورة وراح تستفيد بإذن الله

__________________

أرحب يابو عبدالله

عز الله انك صدقت وأحنا مجربين مثل ما قلت

لكن ما نقول الا الله يرزقنا القناعه والصحه والعافيه

لاهنت يالذيب عالمرور

__________________

أرحب ياخوي فارس

ههههههههههههههههههههههههههههههههههههه

أجل انت من ذولا الربع ؟

طيب ولا يهمك نعطيك دوره بس مثل ما قال ابو عبدالله برسوم

وبندبلها عليك لأنك من قوم الهوامير

تسلم يالذيب عالمرور

__________________

مانقول الا الله يرزقنا وأياكم الجنه


والا الفلوس وصخ دنيا :-)

__________________

كل ال ٢٨ مصطلح مرت علي , وزيادة .....

يعطيك العافية يابن دغيم .


كم باقي على الراتب ماهو متى الراتب .


صدقت أخوي ماجد وإذا ما نسيت فأعتقد باقي إحدى عشر بنر أو مصطلح .


إبن دغيم يعطينا فرصة جزاه الله خير .


لكم تحيتي وسلامي .

__________________

أرحب يابو عصام

تقول كلها مرت عليك يعني هالحين ما عادك بمحتاجها

صار الورق اللي فيها صورة الملك عبدالعزيز رزم عندك هاا ؟

وانا أقول وش بلا الرجال متغير علينا له كم يوم شايف نفسه

ههههههههههههههههههههههههههههههههه

تسلم والله عالمرور يالذيب

__________________