سلام تسليمة(ن) ياهل المواجيـب*** اعـداد مـاهـل هـمــّال الخـيالي
الطيب يبدا مع اللي كاسب الطيب***ياحي من يفعل افعول(ن)جزالي

يامرحبا رحب مابه شكه وريب@ترحيب فيه المعزه والكمالي
الطيب ضلع"زمى بين المراقيب@مايصعده كود منعور الرجالي

ياسلام ياسلام

لله دركم


متابعين

__________________

دام البقـا يالمـرحب جيـبها جيـب***جيب النوادر وخل القلب سالي
صدقت والناس تخطي مر وتصيب***والجاهـل الـلي يحب الاتكـالـي

المعذرة على التاخير طال عمرك
بيتك الاول الشطر الاول ارجو مراجعته اظن فيه خطا املائي

الذيب لامن عوى بيجاوبه ذيب@واهل الجزيلات تشبح دوم عالي
ماكامل الا الولي هو عالم الغيب@والجاهل اللي لنفسه مايبالي

ابنشدك وانت محشوم(ن)من العيب***منهو يقـول النـعم باية مـجالـي
بعض العرب ماهوب خالي العـذاريب***ابغاك تعطي جواب(ن)للسؤالي

يكسب نعم ياولدريف المعازيب\اللي يقلط على حيل وجمالي
راع الكرم لوعيوبه تملي اشعيب\تدمح ولو كبرهاكبرالجبالي

يابو حسين العـرب تبغـى تجاريـب***وانـتـه رجـل(ن) تـحب الامـتثـالي
وش فيك ماتعتمدراعا المشاعيب***اللي ليا يدوس الخطرماهو يمالي

حنا بعهد الملك عطب المظاريب**وش لك بدرب القشر ياابن الحلالي
ماكل منهو رفع مشعابه يصيب**والعاقل اللي يحسّب للتوالي

اهل النشب كثروها بالمطاليب***واللي يحب النشب ماهو موالي
واناموالي لابو متعــب ولا انيـب***راعي مشاكل ولاراعـي هبـالـي