أعتذر لكم ...

[poem=font="Simplified Arabic,5,black,bold,normal" bkcolor="transparent" bkimage="" border="groove,medium,blue" type=4 line=0 align=center use=ex num="0,black"]
ياللي عليك الاعتماد ولك مقاليد الأمور = بسمك بديت ولا إله إلا أنت يا عز الجلال
اسألك يا رحمن لا وقفت قدام الحضور = في ما يجملني وترضابه مطاليق الرجال
لو قال لي شيخ قحطان اقوم ماني بمعذور = باقوم وامثل قبايل والرشي فوق المحال
فوضني بن دليم في موقف طويلين الشبور = أبدا واسلم عدّ براق تلالا في المخال
سلام وحروف القوافي تنّقش فوق الصخور = بين قحطان ويام منشاها ولله الكمال
قوم مواقفهم سوا من عهد ماضين العصور = قحطان تفزع لمحلف بالوجه والا بالحلال
ويام ان دعيناهم على الطولات جو مثل النمور = يقضون لازمنا ونقضي شانهم في كل حال
هذي مواقيف التحالف في كدر والا سرور = في ظل دولتنا الرشيدة لا نزاع ولا جدال
نسعى لكسب الصلح والمصلح لخلاّقه شكور = والله خلقنا يا محلف عند الشدايد للثقال
وشيوخنا وشيوخكم كل على الشدة صبور = لا دارت الايام واشتدت صواديف الليال
أهل المواقف عندها والطيب راعيه مخبور = نوفي الرجال حقوقها والبن ببطون الدلال
هذي عوايدنا على الجزلات ما فيها نكور= يضرب بها الأمثال من حد الجنوب الى الشمال
وانا بعادات محلف يام وبني عمي فخور = حلفٍ تحالفنا عليه اقوى من الشمّ الطوال
تفرح به العقال والعاقل على وجهه غيور = وكم فرّقت الايام من ناسٍ صداهم لا يزال
اللي يطفون الغضب قدام باروده يثور = حل المشاكل عندهم رفعه وقدر وراس مال
ألا ولا ننسى هل الوقفات مشفين الصدور = مطير حمران النواظر طيبهم غطى الجبال
اللي عفو من مبتلى جابت له الدنيا دبور = كن الوسيعة في نظر عينه كبر قطر العقال
مني ومن قحطان بيضا ترتكز فوق القصور = يقولها ابن فريو في مجلس كريمين السبال
لا والله اني قلتها وانا على الذربة جسور = امثل كبار العمايم وافتخر في الامتثال
وختامها صلوا عدد ما شعشع من الشمس نور = على نبي بالهدى قفل مغاليق الضلال[/poem]

صح الله لسانك ولسان الشاعر عسا الله لايحرمهم الاجر وجزاهم الله خير ولاهنت على النقل ياذيبان

الله يصح لسانك ولسان الشاعر ابن فريو الحبابي

والله انها قصيدة وافيه وتشوش بالراس يا الذيب

والله يجزاه ويجزاء كل رجال يسعى للصلح بين الناس لوجه الله

ويام ومطير وافين وفيهم كسمهم من الطيب

لا هنت يا ابو محمد على هالقصيده وننتظر جديدك وجديد الشاعر


أخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

الله يصح لسانك ولسان عوض بن دشيل


قصيدة في غااااااااية الروعه

وذات معاني طيبه


لاهنت يا ابو محمد على النقل الطيب


والله يجزي كل من سعى في الصلح بالخير

تسلم يمناك يابو محمد على نقل القصيدة الرائعة

وصح الله لسان الشاعر/عوض بن دشيل الحبابي

والله يصلح الشان ويجزى من سعى بالصلح خير الجزاء

تحياتي لك

أرحب يا بو محمد

وبيض الله وجهك على نشر القصيدة

وصح لسان أبو حمد

شاعر جزل

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..