قصيده في شيخ شمل آل عاطف الشيخ / سعد بن سلامه بن سعيدان آل عاطف القحطاني وذلك بمناسبة زواج ابنه ( ملهي )




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

الاوله مبروك ياملهي عسى دربك سفير = الله يبارك لك زواجك من صباحه لا مساه

والثانيه جات البشاير كلها معا البشير = وانقاد فكري للقصيد اللي رفيعٍ مستواه

تجبرني الوقفه على بدع المثايل واستخير = وانا بيوتي من جبل برزان لجبال السراه

ارقا بها في راس مرقابٍ على الشاعر عسير = واقوم اناديها وتاتيني معا كل اتجاه

كن وصفها ذودٍ معا سلطان بن سعود الكبير = لا تلّها الراعي وجاتك كلبوها من وراه

شرايدٍ من مخ راسي كنّها البدر المنير = تعلّم اللي ولّع سراج الشعر يمسك سراه

الله عطاني موهبة شعر الفرزدق والجرير = ورثٍ من اللي لاوقف في موقفه والله احتماه

الشايب اللي في عيوني وين ما رجله تسير = قد له ثلاث سنين وصاني وانا قد الوصاه

امشي قدم مارجع ورى واغرف من البحر الغزير = وما ينشب لساني ليا منّه تحاكا في جماه

واللي مايحمي موقفه لا من حضر مافيه خير = عقّب صبيٍّ مايعشق الاوله فأول صباه

وانا احمد الله صفّي الاول ولا هو بالاخير = وشعري يجمّلني مع اللي جالهم وجهٍ وجاه

ماهمّني كلام بوش ولا حكي توني بلير = من لا توضأ لو يصلّي ليلته ماله صلاه

وانا علي قول الحقيقه لو يصير اللي يصير = بيتٍ عموده ماانبنى وشلون بيذري ذراه

وانته يابو نايف عمود البيت لا قرّ القرير = يادرعنا اللي فالشدايد مالنا عنّه غناه

اسمع كلامي يالامير اسمع كلامي يالامير = استاذنك في كلمتين وكل شيٍ له طراه

ابمدح افعالك وكنه يقودني سلك الحرير = لان الكلام اللي على فعله يجمّل من حكاه

اسمك خشير المرجله ان كان جاء لاسمك خشير = وفعلك ينومسنا ويقتاد المراجل قود شاه

يا فزعة العاني ويا عزّ المسيّر والقصير = وياذخر من حدّه زمانه والمقادير تحداه

ويا مكرم الضيفان لامن جاء الغني مثل الفقير = هذا يسوى له غدا والاخر يسوى عشاه

ويامحزم اللي شاف له يومٍ عبوسٍ قمطرير = في ساعةٍ يعرف بها الرجال طيبه من رداه

فيرقى شدا والاّ العدو ماله من الواقع مطير = عزّي لمن قفّى وراه ونسل ابن عاطف وراه

ان مات قالوا ميتٍ من غبن ولا من مصير = وان قالوا انه حي في ذمة فهد ماله حياه

ياشيخ شمل آل عاطف من كبير ومن صغير = حنّا معك تشهد جبال طويق وجبال الحصاه

واللي يبي قربك يابونايف ترى حظه كبير = واللي يبي المرواح فمقيط ومراحه مع رشاه

لا يشحنك لا يشحنك من لا يشير ويستشير = احدٍ عطاه الله من العليا واحد مالله عطاه

وماهوب يستغرب عليك الطيب ياسيف الشطير = لانك ولد سلامه اللي اخوان نوره ما تعصاه

ولان جدك ملهي ليا جاهم من القوم النذير = قال اطحنوا حب المعادي واستديري يا رحاه

أحدٍ يموت بساعته واحدٍ على جنبه كسير = وأحدٍ يدور للنجاه وظني إن ماله نجاه

هذا كلامي واسمحوا لي به قليلٍ من كثير = ولاّ ترى في خاطري شيٍ مايلحق منتهاه[/poem]

__________________
قالها اللي مايخوجل في كلامه _عاطفي(ن) يعتزي بالعاطفيه

.



أخوي الشاعر فهد




صح لسانك وبيض الله وجهك ..




نص يستحق الإعجاب وفي مستوى المناسبة ..




أنت كفو ومدحت من هم أهل المدح ويستاهلون ..




مبروك للشيخ محمد بن سلامة .. ولإبنه وللجميع ..
[poem=font="Simplified Arabic,4,crimson,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
اسمع كلامي يالامير اسمع كلامي يالامير = استاذنك في كلمتين وكل شيٍ له طراه

ابمدح افعالك وكنه يقودني سلك الحرير = لان الكلام اللي على فعله يجمّل من حكاه[/poem]





صدقت .. أخوي فهد .. وصح الله لسانك ..



دام هذا الحضور المميز ودمت بألف خير ..

ونعم بالشيخ بن سعيدان


وهو كفو ويستاهل المدح


صح لسانك يافهد


وانت شاعر غني عن التعريف


مبدع وجزل


واتمنى لك دوام التألق والتوفيق


لاعدمناك


.

أخوي فهد المكودر بيض الله وجهك وصح لسانك والله لايهينك ياكحيلان

وبن سعيدان يستاهل العلم الغانم واشهر من علم ويستاهل المدح أبوملهي

تقبل ودي وتقديري لشخصك الكريم

أخوك / ابوعساف

__________________

فهد المكودر


بيض الله وجهك بياضٍ تشيله البل


وصح الله لسااااااانك على هذه القصيدة التي لو كتبت ما كتبت لم اوفها حقها


مبدع يا فهد


وابن سعيدان يستاهل العلم الغانم ووافي القحطاني ويستاهل المدح


تحياتي يا فهد


اخووووك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

أخوي فهد المكودر

صح لسانك وبيض الله وجهك

رايعه ووافيه في وافي

انت كفو وأبو ملهي كفو ويستأهل

لك فائق احترامي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000

فهد المكودر

بيض الله وجهك
وابن سعيدان يستاهل المدح

اخوي العزيز فهد المكودر

لاهنت وصح لسانك

وابن سعيدان يستاهل كل خير

اررررررررحب يافهد


وصح الله لسانك مليوووون
ولا مدحت الا رجالاً يستاهل المدح وأكثر


قصيده وافيه من وافي ومسنده لوافي



تحياتي

اخوي معيض بن صميع




مرحبا بك مليون



وصح الله بدنك ووجهك ابيض




وسباق على الطيب



الله لايهينك على تنسيقك وتواصلك

__________________
قالها اللي مايخوجل في كلامه _عاطفي(ن) يعتزي بالعاطفيه