قصيدة في الملك/عبدالله بن عبدالعزيز ال سعود

مساء الخير
هذه القصيدة كان لي شرف القائهاأمام سيدي الملك/عبدالله بن عبدالعزيز ال سعود حفظه الله بعد العيد في روضة خريم بدعوة من راعي الحفل اللواء/فارس بن سعيد بن دليم القحطاني
صلوا على النبي
*******
[poet font="Tahoma,5,white,normal,normal" bkcolor="green" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
لوّله طلبة اللي يعلم النيات=كل هامه تعرف القبر تنزله
ياقصيدي ترا بعض القصيد اسكات=والله أني ماعودتك على الذله
ذاخرك لين تبدي حزة الوقفات=كنك الهيل وظلوعي لك الدله
ياوطن عاد عيدك وبرك الحزات=مايزين القصيد ألا على حله
ياسلامي على وجه السعد بذات=من يمينه تعقد الحبل وتحله
راعي الوجه الأبيض جابر العثرات=الوطن تحت ظل الله ثم ظله
أبلج كنه البراق في الظلمات=واضح مثل ماتوضح لنا المله
شامخ في المواقف يكسب الطالات=صيرمي يقص الراس ويتله
كان مصر الشقيقة تعشق السادات=حن وهم والعرب في ظل عبدالله
مرحبا مرحبا ياقايد القادات=ياهلا ياهلا بك ياهلا والله
بنيابة عن اللي يكسب الشارات=شيخ شمل اقحطان وجابر الخله
بن دليم المقدم بأول الهيات=في الحماد وجبال الريث والجله
له عهود قديمه من زمان فات=من جدوده وعهدك صار عهد له
وبسم فارس ***طان هل الهقوات=مرحبا مرحبا والطيب لك كله
وب ولي العهد يامرحبا ميات=مرحبا يابو خالد وأنت عضد له
طير حرّ جناحك يعشق الطلعات=مجلس الطيب والناموس تحتله
ياملكنا لعينك ترخص الهامات=مانساوم على حبك ولا بله
يابوا متعب لوقفات القدم حزات=قلب ماله ولاء لك جعله العله
سيدي حن عيالك والشعوب أشتات=والوطن مايهان وحن عيال له
حن جنودك بلا رتبة بلا بدلات=راعي الذود يسبق راعي الفله
كلنا من البحر لين البحر قوات=شعبنا من تحت راية زعيم له
ندحم الضد بمتون لها صملات=من زمان القناء والسيف والسله
نعشق الموت عشق الطفل للعبرات=ولا عشق الفتى للي تكحل له
والخوارج مانقبل منهم الزلات=قل لراعي الردى ياأعلامنا قله
قله أنا هل التاريخ والفزعات=لايحسب سيوف الحق صيد له
والله أن ماينقصنا ليا من مات=وأن رجع في طريق الحق فاحسن له
كل حصني خبيث يدور الحيلات=نضربه وجه لا لا مانتحيل له
لانشكك ولا تدخل بنا الشكات=ناصله من هنا منيه ناصله
وأن وصلناه ماجينا على الغرات=ننذره وأن رفض لا مانتحصن له
ناخذ الثار منه حزة الوقفات=يدفن ال*** مانرضى له الزله
مرحبا يابو متعب وبرك الحزات= بأسم شيخ اقحطان وجمعنا كله
شعر/علي البورعي
[/poet]

اللهم صلي وسلم على سيدنا محمد عليه افضل الصلاة واتم التسليم



اخوي الغالي ابن الغلا كل الغلا


الشاعر الرائع المتمكن - البورعي


صح لسانك

وعلا شانك

وسلم بنانك

وكثر الله خيرك

قصيدة رائعة وجميلة

ويكفي في انها القيت امام بو متعب حفظه الله


وعادتك فعل الجمايل

لاهنت

__________________
« اللهم كما أحسنت خَلقي فحسن خُلقي »

السلام عليكم ورحمة الله وبركاته :
صح لسانك وبيض الله وجهك اخوي علي البورعي
وكان حفل الشيخ اللواء فارس بن سعيد بن دليم يرفع الراس وينومس قحطان
ويستاهل ملكنا المفدي ابو متعب .

على البورعي

السلام عليكم

بيض الله وجهك
قصيدة رائعه
بحجم الممدوح والشاعر والمضيف

قصيدة تستحق الشكر عليها

__________________
مجموعة من صوري





مدونتي

السلام عليكم...استاذي علي البورعي
صح الله لسانك وكلمات لها معنى وطنى صادق...كثر الله من امثالك

اخوك علي بن طراد

الشاعر علي البورعي
السلام عليكم ورحمة الله وبركاته
القصيده جميله ومعبره
وهذي عوايدك الجماله في مناسبات قحطان عامه
ولاشك ان هذه الكرامه ومناسبتها تتشرف بها قحطان عامه
والشيخ فارس بن دليم يستحق منصبه وقربه من ملك البلاد ادام الله عزه
اشكرك كل الشكر على هذه القصيد التي ستبقى ضمن قصائد التاريخ عبر الزمن


عاشق وطن

تحياتي

بسم الله الرحمن الرحيم


صح لسانك ياأخ علي وبيض الله وجهك ويستاهل بو متعب

السلام عليكم ورحمة الله وبركاته

اخوي علي...
.................
صح لساااااانك....وما قصرت..
...............
ترى بو متعب يستاهله كله....
وما يصلح الا له....
.......................................
الله يعطيك العافيييه....
.........................................
تقبل مروري المتواضع
اخوووووووووك...الشاااااااااعر

(( عمر السخني ))

__________________

بيض الله وجهك ياعلي وقصيده رائعه وانت شاعر كبير

وكان حفل الشيخ فارس بن دليم يجمل قحطان ويرفع الراس

بحضور الملك عبدالله وولي العهد الامير سلطان والامير سلمان حفظهم الله

ارجوا التثبيت

ارررررررررررررررررحب


يافتى الجوة


شرفتني بحضورك


لاهنت على المرور


تحياتي لك