بعد الغياب عدت لكم بهذه

[poem=font=",5,,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
أمس العصر هاجسي لمباك ودّاني=وجالي على قمته تالي العصر طلّه
وخيّلت برق على تثليث قزّاني=عسى مزونه غزير الوابل تهلّه
ونشوف نبته يزوف أشكال وألواني=نبت ٍ يجي ماطره دايم على حلّه
من مد من لاعطا ماهوب منّاني=اللي كفوف البشر في الضيق رفعن لّه
مرب سود ٍ كما جنحان غرباني=سند الغوارب رفيعات ٍ ومنتلّة
وحُمْر عريبات تبهج ناظر القاني=كنها من الجوخ مكسيّات بالجلّة
الديرة اللي حموها قروم قحطاني=أدناهم اللي يسير الجيش في ظلّه
للضيف ريف وللعدوان نيراني=من سلم من بطشهم يصبح معه خلّة
وأرجع على هاجس ٍ لمباك عنّاني=الهاجس اللي يحل الراي ويملّه
وحوّلت من قمّته مع وقت الأذّاني=وعلى رهاده شعمت النار للدلّة
وصلحت كيف ٍ من المنقود يعناني=وقهويت راس ٍ غرامه للخلا تلّه
ومن بعد صليت فرضي زانت ألحاني=بدعت قافي على المسحوب وأشلّه
لانيب عاشق ولا أشكي بعد خلاّني=ولانيب محتاج وأشكي الفقر والقلّة
ولانيب مطلوب وأخشى بطش عدواني=لكن قومي زماني شاين ٍ دلّه
ياسايق الطيب عد الطيب من داني=إن كان طيبك تمدّه طبع وجبلّة
لاتُوصله للبعيد وتطمر الداني=تراه عيب عليك وطمرته زلّة
أفعل بطيبك مثل مايفعل السّاني=يسقي من ادنى جميع الزرع ويعلّه
وخلّك كما الحد حد السيف شاماني=بيمنى عديم ٍ يعدّي عنه لا سلّه
سعد الرفاقة ليا جا لازمه باني=ماهوب دمّه ثقيل وفي النحرعلّة
الطير مايرتفع من دون جنحاني=وجنحان ماهيب له لا يمكن تشلّه
من طاب في ربعه الأدنين والعاني=شرف على عالي المرقاب وأحتلّه
ولا تحسب انك بجمع المال ربحاني=لاصار فعل القدا ماعرفك يدلّه
مال ٍ بلا رابعة شوم ٍ ونقصاني=جفير سيف ٍ تشلّه مامعه سلّة
ولاصار موْقفك ماهو موقف حصاني=فالطيب منتب زبونه يالردي خلّه[/poem]

ونعمممم

وصح لسانك

__________________

ارحب ثم احب ملير يا بو عمر ومن طول الغيبات جاب الجزله الله ليحرمنا من جديدك

__________________

البقا يابو مسفر

صح بدنك ولاهنت

تقديري لك

اررررررررحب يابوعمر


صح لساااااااااااانك ولاعليك زود يالقرم



ياحبني لك يابوعمر الحب من الله

صح لساااااااااااانك ولاعليك زود يالقرم

__________________

صح لسانك ولاعليك زود

صح لسانك ياشجاع على القصيده الجزله وماعليك زود

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]

صح لسانك يالأكلبي وما عليكم زود

__________________


http://www.qahtaan.com/works/up/get....fmnp1261962149

صح الله السانك مدد بلا عدد ..

وافي يا القرم ولا عليك زووود ..

خآلص ودي

__________________