السلام عليكم

وردتني هذه الرسالة التي تتضمن نصائح عن اسهل الطرق الواجب تطبيقها لتصبح مثقفاً وتنظم إلى عالم المثقفين ..




1 البس غترة وامحط اللحية و الشنب .


2 إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة .


3 إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .


4 ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!..


5 إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش.


6 كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.


7 خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .


8 انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.


9 إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!!


10 إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..
وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة.


11 إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ".


12 حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.


13 لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لست مونث ، عشان يقولون واااااو لغته رااااقية خخخخ.


14 إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب"

والله إنك صادق يابو عصام

سو كذا وتلقى الناس تمشي وراك وتعدك من المثقفين

أكره هذه العينات

إما أن يكون الواحد عالم بالفعل وإلا يترك العلم لأهله

__________________

ماذا أرى

أمامي

أوصلت بك الجرأه أن تتهم المثقفين بهذه السخافات

أخي العزيز الزم حدك المشروع لك في الضحك واللعب

ما هونتوا من الهيئه حتى نطيتوا في المثقفين

لكن ويش دراك بما صنع هاؤلاء فتأتي أنت لكي تقول مثل هذه الأقاويل الباطله

يا للأسف أني أرى من أبناء وطننا العزيز من يحارب

الثقافه والعلم والتعليم والنهضه في جميع نواحي الحياه

منهم المثقفين؟؟؟؟؟؟؟؟؟؟؟؟

اللحيه والشنب ليست كل شي

(((الرجال مخابر ليسوا مناضر))))

الدوله تريد أن تنهض بالثقافه

فتأتي لكي تنقل لنا هذه الصوره المؤلمه لأناس يريدون النيل

من هاؤلاء العظماء


***صحيح نحن في بلد ديموقراطي لكن

لا يجوز لأحد التعدي على فئه تخدم المجتمع

وتبذل الغالي والنفيس لأجل خدمة الوطن

أمثال

غازي القصيبي

وعبده يماني

وخوجه وووووووووووووووووووووووألخ..........

لا يحق لك السخريه بمثل هاؤلاء الأعلام الوطنيه المضيئه

رجال الدين

ووزراء الدوله

وأعضاء مجلس الشورى

والقاده العسكريين

كلللللللللللللهم ضحية أبتسامتك!!!











ماهو ردك على ماتراه أمامك

يييييييييييااااااااااا أبو عصام

يييييييييييااااااااااا سيف

سيفك افحمني ... واراك من المثغفين المبتسمقراطيين

(((لا زالوا في غيهم يعمهون)))

أما آن لك الأوان

أن تعتذر لي ولهم

http://www.youtube.com/watch?v=wzQfRSO3Vu8

هههههههههههههههههههههههههههههههههههههههههههههههههه ههههههههه

هون عليك ياوجه عبيده وشفيك طرت فالرجال

ترى أبو عصام نعرفه من زمان وكلامه هو الصحيح بعضهم يتفلسف ويسوي نفسه

مهم وهو من جنبها

وعلى فكره الأشخاص اللي ذكرتهم ترى عليهم ملاحظات فلا تحمس واجد الله

يعطيك العافيه

فيهم العلماني والصوفي ولا يحتاج أن حنا ندخل في مداخلات مالها لزوم

بعدين ترى الموضوع فاستراحة المجالس يعني ضحك ووناسه الله يهديك

تحياتي وتقديري لك

أبو عصام والله أنك صادق لا واذا جلست مع واحد منهم وقام يتكلم لازم يسوي

نفسه مهم تلقاه يدخل كلمتين انجليزي يعني أني فاهم

أبو عصام المميز وعضو المجالس الذهبي

تحياتي وتقديري لك

__________________

ذكرتني أيام المدرسه الوعد فالطلعه

ههههههههههههههههههههههههه

__________________

ألف مبروك نجحت في اختبار المثقفين

عقبال الشهادات العليا

ههههههههههههههههههههههههه

__________________