|
السلام عليكم وردتني هذه الرسالة التي تتضمن نصائح عن اسهل الطرق الواجب تطبيقها لتصبح مثقفاً وتنظم إلى عالم المثقفين .. 1 البس غترة وامحط اللحية و الشنب . 2 إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة . 3 إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان . 4 ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!.. 5 إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش. 6 كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف. 7 خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه . 8 انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء. 9 إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!! 10 إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا.. وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة. 11 إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ". 12 حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين. 13 لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لست مونث ، عشان يقولون واااااو لغته رااااقية خخخخ. 14 إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب" |
(((لا زالوا في غيهم يعمهون)))
أما آن لك الأوان أن تعتذر لي ولهم |
ماذا أرى
أمامي أوصلت بك الجرأه أن تتهم المثقفين بهذه السخافات أخي العزيز الزم حدك المشروع لك في الضحك واللعب ما هونتوا من الهيئه حتى نطيتوا في المثقفين لكن ويش دراك بما صنع هاؤلاء فتأتي أنت لكي تقول مثل هذه الأقاويل الباطله يا للأسف أني أرى من أبناء وطننا العزيز من يحارب الثقافه والعلم والتعليم والنهضه في جميع نواحي الحياه منهم المثقفين؟؟؟؟؟؟؟؟؟؟؟؟ اللحيه والشنب ليست كل شي (((الرجال مخابر ليسوا مناضر)))) الدوله تريد أن تنهض بالثقافه فتأتي لكي تنقل لنا هذه الصوره المؤلمه لأناس يريدون النيل من هاؤلاء العظماء ***صحيح نحن في بلد ديموقراطي لكن لا يجوز لأحد التعدي على فئه تخدم المجتمع وتبذل الغالي والنفيس لأجل خدمة الوطن أمثال غازي القصيبي وعبده يماني وخوجه وووووووووووووووووووووووألخ.......... لا يحق لك السخريه بمثل هاؤلاء الأعلام الوطنيه المضيئه رجال الدين ووزراء الدوله وأعضاء مجلس الشورى والقاده العسكريين كلللللللللللللهم ضحية أبتسامتك!!! ماهو ردك على ماتراه أمامك يييييييييييااااااااااا أبو عصام |
أذا مستعد
للجلاد قلي يا بو عساف وأبشر بعزك هاهاهاهاهاهاهاهاا |
أرجو أن لا تؤخذ علي
فأنا ثقيل دم لكن أستلم دولتنا العزيزه تخسر الملايين لكي تصنع الثقافه والثقافه تصنع القاده الذين ينهضون بالوطن وأنت أنسان لا أعلم ألى ما تهدف اليه بكلماتك القادحه وأتهاماتك لوزراء الدوله كلنا أبناء وطن واحد ودين واحد لا نحتاج لمن يفرقنا أبداً بل بالعكس لكل أنسان حريته التامه يقلد ما يقلد ويش دخلك فيه أذا قلد فمن حقه يقلد ناس لهم ثقلهم في الوطن ليسوا يريدون أثارة الفتن مثل ما تنوي أن تشب النيران بيني وبين الأخ العزيز ماجد الخليفي لا أعلم هل منحك الوكاله لكي تتكلم بالنيابه عنه أعلم أنه لو أراد ألجامي لأستطاع لكن هو انسان مثقف ألم تنظر ألى رده علي مبتسمقراطيين ومثغفين ألا ترى أنه يتعدل نحو الأفضل ويريد أن يرقى بنفسه للمعالي .... - - - - - - - - - - نحن في أستراحة المجالس ولكلٍ أن يرتاح كما يشاء أنا راحتي في الجدال ولو أني من جنبها |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
انواع عرض الموضوع | |
تعليمات المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اقرأ ولن تندم (العائدون الى الله) من علماء ودعاة ومشاهير وغيرهم | فهد الهباش | مجلس الإسلام والحياة | 10 | 15-12-2010 06:40 PM |
إبن سبأ اليهودي مؤسس الديانة الشيعية | ابو عائشة الطائي | فضائح وجرائم الروافض ضد أهل السنة | 2 | 20-12-2009 10:31 PM |
جميع المذاهب الهدامة باختصار | هيثم الرفيدي | فضائح وجرائم الروافض ضد أهل السنة | 19 | 01-01-2008 01:19 PM |