سفر بن مبارك وحسين بن معوضه

بسم الله الرحمن الرحيم

إن الشيخ حسين بن معوضه وشقيقه أبو دهام زاروني في الجنوب

في وفاة خالي رحمه الله ومعهم اثنين من مشائخ المسارده

إبن الشوافه وإبن دمخان وعندماإتجهت في إتجاه الرياض كتبت هذه

الأبيات مع أنني لست بشاعر ولكن محاولة ..


وهذه قصيدتي :

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله ياذا الجلال اللي نصبت الجبال =ياخالق (ن) البشر ياعالم أحوالها

ياقابض الروح ثبتني بوقت السؤال =وأغفر ذنوبي ياربي وأحسن أعمالها

وخلاف ذا ماتعلى في النصوب الخيال=وماهلت المزنه الغراء بمخيالها

سلام ياكاسبين الطيب روس الرجال =يانسل من غنت الأبطال بأفعالها

حبابية(ن) تمن الخايف بحد السلال =يوم الذياب الجياعه ترمي عيالها

حمد صديقي وأخوه حسين نعم القبال =المرجله والشجاعه دوم بقبالها

ولاد مسرد هل الطالات يوم القتال = في صفحة المجد والتاريخ وأجيالها

من دون طلحاب فعله باقي ولايزال =أطش له غترتي وأطوح عقالها

ولاد مسرد زحول وفي الجزيرة جبال =وعلى البسيطه ماحي ينكر أفعالها

وقلته وأنا من شبوب الحرب أسود العيال = عليية(ن) تمن الجاني ويعنالها [/poem]

وهذه قصيدته :

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اطلبك ياعالم النيه عزيز الجلال = ناس(ن)تعلى على قدرتك عزا لها

لك الثناء والشكر والحمد في كل حال =مصرف (ن) العباد وكاتب أجالها

ومن بعدها مرحبا بك ياعريب الخوال =ياللي تصوغ البيوت وترسل إجزالها

عادتك يامسندي نظم البيوت الجزال =والأبيات تعرف لمخرجها ومدخالها

ياكاسب المدح شوق اللي زهاه الدلال =غيرك يبي سيرتك لاشك ماطالها

ودي بشوفك يابن هباش والوقت طال = ونفسي ونفسك عسى الله يحقق أمالها

خوتك تشترى يابو فيصل بنقد الريال =وكم واحدا رغبته ياشيخ مانالها

يوم أنت من لابت(ن) تعرف نهار القتال =لي حضروا بالفروخ وخيرة سلالها

لأخصام لي شافو آل (إعلي )جاهم جفال = تعد من روس قحطان ومن أبطالها

نيابتا عن مساردة دواما ثقال =تثبت نهار القتال أثقل من جبالها

ابطيت بالرد ياحامي عقاب الهزال = قومي ظروف الزمان وكثرت أشغالها

وقومي رجالا تعامل ربعها بالهبال =والأنذال لازم نكيل لها بمكيالها

لأنذال لو جالها في مجتمعنا مجال =والله (ن) تجر الفتن وتزود إشعالها [/poem]

__________________

كلام عذب وقصيدة اسطورية يعطيك العافية وتقبل مروري..

شكرا بيض الله وجهك لاهنت

__________________

ونعم بك وبابن معوضه شعراء

وصحت السنتكم والله يجمعكم علي عز ومعزه

ويكثر من امثالكم

بيض الله وجهك لاهنت يعطييك العافييه..

__________________

ابو فيصل اولاً رحمة الله على خالك رحمة واسعه و والنعم بك وببن معوضه وصحت السنتكم وشعار جزلين وكلام جزل . تقبل تقديري واحترامي

الله يجزاك خيير ولاهنت ..

__________________

صح لسانك وبيض الله وجهك
ونعم بالمادح وبالممدوح
عسا الله يجمعكم ولا يفرقكم

لاهنت يالعليي

__________________

احد(ن) فعوله تجمل بني عمه..........واحد(ن) على ربعه شرهه ومنقود

يعطيك العافيه ولاهنت..

__________________

مرحبا ترليون يابو فيصل

الله يرحم خالك ويسكنه الجنه

وصح لسانك ولسان بن معوضه

دائما جزل وما تجيب الا الجزل جعل من خلفك في الجنة ..

دمت لنا يا مبدع الشبكة ..

__________________