سلطان الهاجري
من شاعر كل ما واعد يجي في الوعد
الله يسعد مسا الحفله وضيفانها

سلامة دايمه وعليت يابو سعد
سلامته يابن شايق جيت من شانها
ابن شايق
من شاعر لا وقف فالملعبه ما قعد
الله يسعد هل الديره وجيرانها
قلنا سلامات واللي يشكرالله حمد
والهاجري سيد الساحه وسلطانها
الهاجري
الله يعز الوطن في ظل عمي فهد
ايعز صدقانها ويذل عدوانها
انا اشهد ان السديريه ولدها ولد
خيال صفراء يجول الموت في اعنانها
ابن شايق
الله يعز الفهد وايضا ولي العهد
ولا يقود السفينه غير ربانها
والشمريه ولدها للمنايا ورد
لا ثورت عجت الهيجاء ودخانها
الهاجري
الطيب اللي ليا عقدت يحل العقد
واللي نشد من فعوله قلت له عانها
سمعتني يا طويل العمر ولا بعد
مسلم وعلمك عن الاسلام واركانها
ابن شايق
هذي قديمه لكن احكوا لنا في الجدد
والهاجري يدرس القصه وعنوانها
ابليس له عين وحده علها للرمد
وام الكباير توفت بين ورعانها
الهاجري
الصبح جمعه ويوم السبت ولا الاحد
انشدك عن قصة الخيمه وعمدانها
ماغير رب الخلايق واحد ينعبد
وابليس رح للقفور وعانه وزانها
ابن شايق
اللي ورد ماصدر واللي صدر ما ورد
ولا يشد المباني غير سيسانها
ابليس شيطان مابيني وبينه عهد
ولا يوسوس لنفسك غير شيطانها
الهاجري
عديتها في يدينك لين ضاع العدد
وشلون حال العبيد وحال عمانها

بيض الله وجهك ولاهنت يالغالي

__________________

لا هنت يابن دغثم...على الموضوع الرائع...

ياسلالالالالالالام عليك وتميزك ونقلك لهذاالمحاوره الجميله

بيض الله وجهك ياسعد

بين العملاقين ابن شايق وابن وسام

__________________

بيض الله وجهك ولاهنت يالغالي

__________________

يعطيك العافيه على المحاوره القيمه من شعراء لهم قيمتهم

شكرا لك

هاذي المعاني ولا بلاش


وبيض الله وجهك ياسعد على حسن الانتقاء

شعراء كبار فلابد بأن تكون بهذا الابداع


والمحاوره هذي هي :
http://www.youtube.com/watch?v=WHf38TJnoOU

بيض الله وجهك

مرحبا ترليون يا السمي

بيض الله وجهك على هذا النقل الاكثر من رائع ..

__________________