[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بديت بأسم مكور الشمس تكوير = القابض الباسط عزيز الجلالي
سبحانه اللي بيده الشر والخير = مروي ظمأ القيعان عقب المحالي
من بعدها أستنت بنات التفاكير = أرخت رسنها وأنفحت بالعقالي
ذللتها تذليل عوص المباكير = كن خفها ياطا رهيف السلالي
الليل جوي صافي للتعابير = أترجم أحساسي علي ما طرالي
خطر علي أطير وأطير وأطير = من شدة الفرحه بوزن الهلالي
الفرحه اللي طعمها ولونها غير = فاقت لعود دوب جاله عيالي
بوجودكم ومعاودة عودي بخير = حيث أنها تلقي عليها ضلالي
يامرحبا ترحيب حشمه وتقدير = أحلا من السكر وعذب الزلالي
ألذ وأحلا من حليب المصاغير = عفر رعت جو من الناس خالي
ترحيبة يصدح بها الطير ويطير = ويعانق متون السحاب العلالي
في مجتمعنا بالوجيه المسافير = واللي حضر من كل فج وعنا لي
الحمد للي بدل العسر تيسير =عقب الشفق والهم يرتاح بالي
آمجار يابو سيف من كل تأثير = الله يجيرك من صدوف الليالي
أزمه وعدت من ولي المقادير = سبحانه الوالي علي كل والي
يفداك حالي والولد والمذاخير = واللي بقى لي من حياتي ومالي
ويفداك من خالف سلوم المناعير = يرعى حلاله فرحة أم العيالي
ويفداك رجل ما ضرآ بالمخاسير = من خلقته مارام روس المعالي
ويفداك خبل ضاع بين الطوابير = رصيد معرفته صفر بالشمالي
ويفداك قن مالفته المسايير = ماقلط الحايل وصفر الدلالي
ويفداك منهم يعبدون الدنانير = أنجاس ناس همها بالريالي
أجسام تنقل روس مثل الخنازير = يالله لا تجعل للانذال تالي
أعطيك عن حالي يابو سيف تقرير = مابين خلق الله وكني لحالي
هاجوسي يهلوس بي أضحي وعصير = قمت أحسب الوقت الغروبي زوالي
كني أزايم فوق متني قناطير = هم يغطرف لي وهم يلالي
آقف بليا رآى وأفكار وأسير = ولالي علي الصبر الجميل أحتمالي
يابوي ياذخري الاول والأخير = بعيوني الثنتين أنت المثالي
لاحاتم الطائي ولا سالم الزير = ولا عنتر العبسي ولا ابن الهلالي
قربك لي الجنه وبعدك زمهرير = ومقابل محياك هو راس مالي
ولاأخلا ولا أعدم منك يامير = يامير قلبي مركزك في خيالي
تسلم لنا نذر عليك المعاثير = ومادام راسك حي ياهملالي
وأنا على عهد قطعته لك أصغير = لأمشي على دربك ولاله بدالي
أنهل مناهيلك على الشر والخير = لاضير في ذلك سواة الرجالي
وصلوا على اللي نور الحق تنوير = شفيعنا يوم الحشر والسؤالي[/poem]

__________________

صح لسانك قصيدة جزلة من شاعر جزل

__________________
سبحانك اللهم وبحمدك أشهد ألا إله إلا أنت استغفرك وأتوب إليك

لاهنت يالبتار وصح بدنك

ولاهنت على الحضور

وتقبل تحيات بحر

__________________

قصيدة جزلة ومن شاعر جزل وانت وافي ولا يكتب الوافي الا الوافي
الا من ملاحضات على قصيدتك
قصيدتك على بحر المسحوب وانت تقول انها هلالي
والبيت الي تقول فيه هاجوس يهلوس بي اضحي وعصير هذا البيت مكسور
عموما لا يعني انك منت بشاعر
لا كن ياليت كتابات غيرك تنتبه لها

الاخ تركي

شكرا على مرورك وملاحظاتك

بالنسبه لملاحظاتك لوهي صحيحه تقبلتها ولافيها عيب كلنا خطاؤن

اما اذا كانت تلفيق وبهتان فهذا الشيء الذي لايقبل

ارجوا ان تذقق فأنا لم اقل انها على الوزن الهلالي

وبالنسبه للبيت المكسور كما تقول حاول ان تعيده

بالنسبه لكتابات غيري انتبه لها ( لم افهم قصدك )

ولكن يبدوا انك متحامل علي بسبب ما ارجوا توضيحه

وهنا اترك لك وللاعضاء الكرام احد قصائدك تحت هذا البنر

لكي تعرف معنى كسر الوزن

http://www.qahtaan.com/vb/showthread.php?t=61536



وتقبل تحيات بحر

__________________

أنشهد إنها قصيدة جزله ..

صح لسانك وإرتفع شانك .~


تقبل إطلالتي المتواضعة

__________________

صح بدنك ياسعيد

ولاهنت على المرور اللي يسعد

وتقبل من بحر كل الود

__________________

صح لسانك وبنانك

صح بدنك يابن دشن ولاهنت

وتقبل تحيات بحر

__________________

الله الله ياسيف

لا خلا ولا عدم وبر وقصيد ماهوب في الوالدين واحسفاه

لعنبو من لامك ووالدك للأمانه رجل منهل من مناهل عبيدة

المعروفه في المرجله وفتحتة الباب والبال الوسيع والكرامه

وعز المسير وأنت يبو بندر ماعليك زود وعلمك غانم يطلق

وجهك قصيدة جزله وشاعر جزل بيض الله وجهك ولاعدمناك

وكل عام وانت بألف خير وصحه وسلامه سلامي لك وللوالد

وبشرني عسى مابه خلاف ياخوك ...

__________________